Një ngjarje e rëndë ka ndodhur këtë mesditë në Lofkënd të Mallakastrës, teksa dy burra kanë rënë në një pus uji.
Nga të dhënat e para, raportohet se 38-vjeçari Veliaj dhe 33-vjeçari Bledar Bregu kanë hyrë në pus për ta pastruar dhe kanë rënë brenda tij.
Është kërkuar ndihma e zjarrfikësve për t’i nxjerrë nga pusi.
Policia e Mallakastrës njofton se janë nxjerrë të gjallë nga pusi dy burrat, të cilët kishin hyrë për ta pastruar dhe ishin bllokuar brenda, por më pas ka ndërruar jetë njëri prej dy burrave, gjatë rrugës për në spital.
Informacion paraprak
Sot, rreth orës 11:40, në fshatin Lofkënd, duke pastruar në një pus uji kanë rënë shtetasit B. B., 33 vjeç dhe B. V., 38 vjeç.
Në vendngjarje shkuan shërbimet e Policisë dhe forcat e zjarrfikëse të cilët bënë të mundur nxjerjen e dy shtetasve nga pusi me shenja jete, dhe po transportohen në spital për ndihmë mjekësore.
Grupi hetimor po punon për zbardhjen e rrethanave të ngjarjes.
j.l./ dita
