Nuk ka liri për kryebashkiakun e sapozgjedhur të Himarës, për akuzën e blerjes së votave në zgjedhjet e 14 majit. GJKKO e ka lënë në “arrest me burg”, bazuar në përgjimet e kryera. Avokati i Fredi Belerit tha për mediat se vendimi i marrë këtë të hënë nga Gjykata e Posaçme e Apelit për të lënë në fuqi vendimin “Arrest me Burg” për Fredi Belerin dhe për Pandeli Kokaveshin do të ankimohet, pasi sipas tij nuk ka prova të mjaftueshme për këtë vendim.
Gjithashtu avokati foli edhe në lidhje me pretendimet se Beleri ka takuar një të infiltruar të policisë duke thënë se nuk është aspak e vërtetë.
“Fredi Beleri kërkoi vetëm drejtësi nga gjykata duke mos e pranuar dyshimin që është ngritur për të. Nesër sipas vendimit që u dha do të shtrojmë ankimin në Gjykatën e Apelit, ne pretendojmë se nuk ka dyshim të arsyeshëm. Nuk është takuar asnjëherë më të infiltruarin dhe listën e emrave policisë ia ka dhënë po i infiltruari sepse nuk është gjetur kjo listë”, tha avokati.
