Janë publikuar pamjet nga operacioni në Vlorë, ku forcat RENEA dhe struktura të tjera të Policisë së Vlorës ndodhen në terren në zonën e Ujit të Ftohtë.
Gjatë aksionit po kontrollohen banesat, si edhe persona të dyshuar për precedentë kriminalë.
Forca të shumta policore kanë rrethuar zonën dhe po kryejnë kontrolle të detajuara. Monitorimi po bëhet edhe me dron nga ajri për të mbuluar të gjithë perimetrin e zonës së Ujit të Ftohtë.
Sipas burimeve paraprake nga zbardhja e komunikimeve në Sky Ecc janë zbardhur episode kriminale, ndër to një si vrasje dhe trafik droge. Gjithashtu sipas informacioneve paraprake janë ndaluar edhe persona jashtë Shqipërisë.
SPAK gjithashtu ka firmosur 7 urdhër arreste, mes të cilëve edhe për Flodian Plakun i arrestuar më herët për vrasjen e Gentjan Bejtaj. RENEA mësohet se gjatë këtij operacioni është në kërkim të Ervis Matodoshaj.
Burime nga policia e Vlorës bëjnë me dije se prej kohësh eksponentë të dyshuar kriminal janë mbajtur nën vëzhgim duke ndërhyrë këtë të shtunë për kapjen e tyre.
j.l./ dita
