Uashingtoni nuk sheh shenja se Moska është e interesuar për bisedimet për përfundimin e luftës në Ukrainë, ka bërë të ditur Sekretari amerikan i Shtetit, Antony Blinken.
“Ka gjithmonë vlerë në diplomaci nëse palët në fjalë dhe në këtë rast Rusia, janë realisht të interesuara për diplomaci kuptimplotë.
Dhe ajo që kemi parë, të paktën kohët e fundit, është pikërisht e kundërta, edhe kur Presidenti Zelensky nga Ukraina erdhi në vendet e G-20, dhe bëri një propozim se si të ecim përpara drejt paqes, çfarë bëri Vladimir Putin? Ai dyfishoi dhe trefishoi gjithçka që bënte, duke mobilizuar më shumë forca, duke aneksuar territorin në Ukrainë.
Putin tanimë po djeg më shumë infrastrukturën civile, po fik dritat po heq energjinë elektrike. Kjo është realisht ajo që po ndodh tani”, ka thënë Blinken.
Blinken gjithashtu u shpreh se administrata amerikane po bën çdo gjë për të shkëmbyer të burgosurit kryesisht Brittney Griner dhe Paul Whelan që të kthehen sa më parë në vendin e tyre.
Në javët e fundit, fokusi ushtarak i Rusisë ka qenë në goditjen e infrastrukturës ukrainase në mbarë vendin. Rusia ka intensifikuar ofensivën në qytetin Bakmut të rajonit Donetsk dhe ka bombarduar qytetin Kherson, të cilin forcat ukrainase e çliruan muajin e kaluar.
a.m/dita
Epo mire, le te luftojne edhe ca kohe se mire ju ben te gjitha paleve.