Banorët e Bërxullës kanë bllokuar njërën korsi në rrugën e Rinasit dhe kjo ka shkaktuar tensione mes tyre dhe efektivëve.
Policët u kanë kërkuar që të lirojnë qarkullimin e mjeteve, por ata janë ulur në mes të rrugës.
“Lironi rrugën”, iu drejtohen uniformat blu.
“Nëse doni bëni video apo çfarë të doni, nuk lëvizim”, thotë një banore.
“Pse nuk vjen shteti të fusë në burg koncensionarin, nuk dorëzohemi”, shton një tjetër.
Banorët e Bërxullës kundërshtojnë projektin e rrugës Thumanë-Kashar që prek banesat e tyre.
“Kur paligjshmëria kërkon të bëhet ligj, vetëgjyqësia bëhet detyrim. Nuk na mbetet gjë tjetër veçse të fillojmë vetëgjyqësinë”, kanë deklaruar ata.
j.l./ dita
