Bosi i “Cosa Nostra” bie në koma të pakthyeshme

Matteo Messina Denaro, ish-bossi i Cosa Nostra, është në koma të pakthyeshme. Ai është shtruar në spital në L’Aquila, ku është i burgosur nën regjimin “41 bis” pas arrestimit të tij në Palermo janarin e kaluar, ku thuhet se ai ka kërkuar të mos reanimohet.

Mjekët kanë deklaruar se atij i është ndërprerë ushqimi, pasi ai është i diagnostifikuar me sëmundjen e keqe të kancerit, e cila është në gradën e fundit të rrezikshmërisë, pasi ka një tumor në zorrën e trashë dhe kjo ka qenë dhe arsyeja e vizitave të shpeshta të familjarëve të tij.

Ish-bossi i Cosa Nostra kishte kaluar 30 vite si i arratisur, por më 16 janar ai u arrestua nga policia italiane, raporton “Corriero”.

“Më morët se jam sëmurë, nuk do të pendohem kurrë”, ishin disa nga fjalitë e tij të para që u tha hetuesve.

Para disa ditësh ai deklaroi nëpër media se është pajtuar me të bijën, Lorenza Alagna dhe i ka dhënë asaj mbiemrin e tij, ku kjo e fundit firmosi aktin noterial.