Kryeministri i Kosovës, Albin Kurti, ka reaguar për vdekjen e shkrimtarit Ismail Kadare pasi ai ndërroi jetë mëngjesin e sotëm në Qendrën Spitalore Universitare “Nënë Tereza” në Tiranë.
Në reagimin e tij, Kurti shprehet se bota humbi shkrimtarin e saj më të madh të gjallë.
Ai ka shtuar më tej se sytë tanë do të shohin shumë më mirë për shkak të imagjinatës dhe dijes së Kadaresë.
“Anija e romaneve të Kadaresë do të lundrojë pafundësisht, për aq sa bota do të ketë lexues dhe shqipja shqiptarë. Ngushëllime të gjithëve”, u shpreh Kurti.
“Ne humbëm shkrimtarin më të madh të të gjitha kohërave, bota humbi shkrimtarin e saj më të madh të gjallë. Porsa hymë në gjysmën e dytë të vitit 2024, Kadare mbylli sytë përgjithmonë. Por sytë tanë kanë parë e do të shohin shumë më mirë për shkak të imagjinatës dhe dijes së Ismail Kadaresë.
Kur ai mbyllte sytë në të gjallë të tij dhe mendohej për malet e Shqipërisë dhe greminat e historisë, teksa qëndiste mijëra faqe me shqipe të bukur si qiell, ne kolektivisht shikonim më qartë e dukeshim më mirë, mendonim më thellë e mësonim më shumë.
Arti dhe kultura jonë i kanë borxh të pamatshëm oqeanit të mendjes së tij. Anija e romaneve të Kadaresë do të lundrojë pafundësisht, për aq sa bota do të ketë lexues dhe shqipja shqiptarë. Ngushëllime të gjithëve.”
j.l./ dita
O Kaini Albin!
Ismaili ish kaqe kernac qe nuk Ju shton e as u jep asnje vote me shume as Ty e as EDvinit si UDB-she
O Fazlliq! Cke me Albinin? Ai nuk ka nevoje per votat e te tjereve. Shko ne Kosove dhe degjo kosovaret. Ata e duan se ai eshte njeri i ndershem dhe nuk i nenshtrohet askujt. Po te kisha mundesi do votoja vetem per te.