Spartak Braho ka reaguar lidhur me situatën e krijuar në Organizatën e Veteranëve të LANÇ.
Ai ka publikuar vendimin e dënimit të Veli Myftarit, personi i cili ka marrë pa votim dhe pa procedurë, jashtë normave të statutit, postin e kryetarit pas vdekjes së Odhise Porodinit.
- Publicitet -
“I nderuar Ministër, vlerësojeni uzurpimin e Organizatës së Veteranëve nga nje ish-polic rrugaç dhe i dënuar penalisht (Veli Myftari) sepse sherri aty ka nisur veç të tjerave, sepse janë në lojë mijëra euro që subvensionohen nga ju si Ministri. Kërkon auditim përdorimi i tyre…” – shkruan Braho në një letët drejtuar ministrit të Mbrojtjes, Niko Peleshi.
Ministrit sot i është drejtuar edhe Fatos Tarifa. “Deshiroj t’ju ve ne dijeni per nje situate qe mendoj se duhet ta njihni ne cilesine tuaj si Minister i Mbrojtjes” – shkruan Tarifa, duke bashkangjitur gjithashtu, vendimin e dënimit të Myftarit për korrupsion.
“I nderuar z.Minister. Ky eshte vendimi i Gjykates se Larte, qe le ne fuqi denimin penal te Veli Myftarit nga dy gjykatat e shkalleve me te ulta. Ky individ, si sekretar i pergjithshem, ka uzurpuar drejtmin e Komitetit Kombetar te Organizates se Veteraneve dhe Pasardhesve te LANC-it. Kjo eshte balte mbi heroizmin e deshmoreve dhe sakrificat e veteraneve te asaj Lufte te Madhe Antifashiste. Ju lutem vleresojeni seriozisht situaten e krijuar” – shkruan profesori i njohur, babai i të cilit Sevo Tarifa, i cili u nda nga jeta në fillim të këtij viti, ishte një nga figurat emblematike të kësaj organizate.
n.s. / dita
