Punonjësit e OSHEE-së në Dibër janë vënë në hetim nga policia për shpërdorim detyre, pas ankesave të shumta të bëra nga qytetarët për mos riparimin e kabinave të energjisë elektrike në njësitë administrative Sllovë dhe Arras.
Sipas qytetarëve kabinat e energjisë elektrike të lëna pas dore, rrezikojnë jetën e tyre.
Blutë njoftojnë se pas ankesave të qytetarëve, kanë kryer të gjitha verifikimet në terren dhe materialet hetimore i janë dërguar Prokurorisë për hetime të mëtejshme.
Gjithashtu, raportohet se po zhvillohen hetime më të imtësishme për përcaktimin e punonjësve përgjegjës në këto njësi administrative dhe vënien para përgjegjësisë penale për shpërdorim detyre.
