Kreu i Urgjencës Mjekësore, Skënder Brataj deklaroi se rritja e numrit të rasteve me COVID kohët e fundit është ndikuar nga variantet e reja të Omicron, BA4 dhe BA5.
Në një intervistë për “Euronews Albania”, Brataj u shpreh se pjesa më e madhe e të infektuarve janë asimptomatikë.
“Sigurisht që numrat janë ato zyrtare, relativisht të vërteta, pasi variantet e Omicorn kanë shtuar rastet. BA4 dhe BA5 janë më të shpeshta në përhapjen e tyre. Pozitiv është fakti që shumica e tyre janë asimptomatikë, ose në forma shumë të lehta. Për fatin e mirë, virulenca e virusit është ulur dhe nuk problem për sektorin shëndetësor, por edhe për qytetarët”, theksoi ai
Në të gjithë vendin janë 6,980 qytetarë aktivë me COVID-19. Aktualisht, në spitalin COVID-3 po marrin trajtim 21 pacientë.
o.j/dita
