Viti i shkuar regjistroi një rritje rekord për turizmin, por edhe një bum të vërtetë për industrinë ajrore. Dy aeroportet ndërkombëtare, Tirana dhe Kukësi procesuan sipas të dhënave zyrtare mbi 5 milionë pasagjerë në ulje dhe ngritje, duke kapërcyer ndjeshëm rekordin e mëparshëm të vitit 2019, prej 3.3 milionë udhëtarësh.
Shtimi i vazhdueshëm i destinacioneve dhe afrimi i linjave low-cost, që tani kanë zënë mbi gjysmën e tregut, shihen si faktorët kryesorë që ndihmuan në këtë rritje. Ndërsa rritja e prezencës së linjave ajrore në të njëjtat destinacione, si drejt qyteteve të Italisë dhe Gjermanisë, Londrës apo Stambollit ka ndikuar në uljen e çmimit të biletave falë konkurrencës.
Për rrjedhojë, jo vetëm më shumë shqiptarë udhëtuan jashtë, por shtimi i linjave ndikoi në afrimin e turistëve të huaj. Kjo veçanërisht në rastin e vizitorëve nga Spanja që u shtuan me 3.7 herë krahasuar me vitin 2021.
Edhe vitin e ardhshëm, operatorët e turizmit deklarojnë një interes edhe më të madh. Kompanitë ajrore britanike raportojnë se Shqipëria po zgjidhet në masë si një destinacion low-cost. Po ashtu, disa prej linjave ajrore kanë njoftuar zgjerimin nga Tirana për disa qytete shtesë, që pritet të sjellin interes të dyanshëm për qëllime turistike.
Ndërsa heqja në masë e kufizimeve të pandemisë për një numër në rritje shtetesh, pritet të sjellin po ashtu një valë të re turistësh që kanë munguar që prej pandemisë.
j.l./ dita
Te gjitha te dhenat jane fallco. Nuk ka aq shume pasagjere ne aeroport. Edhe numri i turisteve eshte i zmadhuar qellimisht per t’i rritur vlerat qeverise Rama. Keto jane vetem mashtrime.
Turizmi eshte bere faktor ne zhvillimin e ekonomise, dhe ne kembimin e valutes, ku shteti me nje politike te zgjuar financiare, fiton me kursin e kembimit ne pikun e veres, dhe festat e fundvitit.
Bujqesia eshte ajo qe po perfiton nga Turizmi, konsumi i brendshem i produkteve bujqesore, po i ul koston produkteve, fermeri eshte ne zhvillim.
Po nuk qe lajmë i keq për qeverinë është gënjeshtër. Kështu funksionon opozitarizmi te në sot për sot. Të shpresohet se do ndryshoj në të ardhmen e largët.
Bum I vertete ne fluturime por turistet nuk po i shohim gjekundi.