Kuvendi i Shqipërisë do të vijojë sot me diskutimet e lëna në mes një ditë më parë, për shkak të pamjaftueshmërisë së kohës. Në orën 09:00, ligjvënësit shqiptarë do të shkojnë në sallë ku do të vijojnë me diskutimet në lidhje me Buxhetin 2023.
Një ditë më parë u zhvillua seanca plenare që zgjati 12 orë. Kuvendi kaloi me procedurë të përshpejtuar ligjin për investimin në Portin e Durrësit që përmban 5 nene. Me 62 vota pro dhe 20 kundër, ky ligj kaloi me debateve të forta e përplasjeve maxhorancë-opozitë në Kuvend.
Të parët që debatuan ishin deputeti i Partisë Demokratike Enkelejd Alibeaj dhe kreu i grupit parlamentar të Partisë Socialiste, Taulant Balla. Alibeaj tha se nuk mund të kalohen 2 miliardë e 100 milionë euro pa diskutime. Balla iu kundërpërgjigj. Debatet vijuan kur në foltore doli vetë kryeministri Edi Rama, i cili u përplas ashpër me Opozitën.
Ai i konsideroi bedelë, të pafytyrë, të blerë nga Rusia dhe njerëz që nuk kanë dinjitet. Ramës iu kundërpërgjigj opozita nga vendi, teksa godisnin dhe me grushte tavolinën. Kryedemokrati Sali Berisha e konsideroi buxhetin e vitit 2023 si katastrofal ndërsa deputeti Dashamir Shehi tha se paratët u merren të varfërve duke ia dhënë të pasurve.
j.l./ dita
Bedelat do votojne planin e bere nga bedelat e krahut tjeter qe e kane konvertuar rinine ne nje rini bedele ne nje shtet vetem me bedela.