Më 9 mars do të nisë gjyqi për dosjen e kryebashkiakut Erion Veliajt. Gjyqtarja Engjellushe Tahiri ka caktuar seancën e parë të themelit në orën 09:30.
Kryesuese do të jetë gjyqtarja Ëngjëllushe Tahiri, ndërsa dy relatorët do të jenë Alma Kodraliu dhe Rudina Palloj.
Më 9 shkurt, Gjykata e Posaçme vendosi të kalojë për gjykim dosjen në ngarkim të kryebashkiakut të Tiranës, Erion Veliaj, bashkëshortes së tij Ajola Xoxa, si edhe 28 personave e shoqërive pjesë e së njëjtës dosje.
Kryebashkiaku i Tiranës ndodhet në arrest me burg që prej 10 shkurtit 2025, ndërsa SPAK e dërgoi kërkesën për ta kaluar dosjen për gjykim vetëm 5 muaj më parë. SPAK ka renditur ndaj Veliajt 13 akuza, të tilla si korrupsion pasiv, pastrim parash, mosdeklarim pasurie, shpërdorim detyre dhe futja e sendeve në burg.
Shumica e akuzave është ajo e korrupsionit pasiv e kryer në 9 raste, në raport me disa kompani për të cilat SPAK thotë se ka marrë përfitime të parregullta në formën e shumave monetare dhe pasurive të paluajtshme, të cilët nga ana e tyre kanë marrë leje ndërtimi dhe përfituar fonde publike nga Bashkia Tiranë.
Edhe bashkëshortja e tij, Ajola Xoxa, akuzohet nga SPAK për korrupsion pasiv në 9 raste në lidhje me subjekte tregtare dhe organizata jofitimprurëse, njëjtë si Erion Veliaj. Gjithashtu, Xoxa akuzohet edhe për pastrim parash, mosdeklarim pasurie dhe fshehje e të ardhurave.
Biznesmenët akuzohen për korrupsion aktiv të funksionarëve të lartë shtetëror ose të zgjedhurve vendorë, fshehje të ardhurash dhe pastrim parash. Ish-deputetja Klotilda Bushka akuzohet për veprime që pengojnë zbulimin e së vërtetës, kurse Fatjon Baci është gardiani i burgut të Durrësit, i cili i dha telefonin Erjon Veliaj gjatë transferimit të tij nga qelia në gjykatë, në dy raste dhe akuzohet për “Futja ose mbajtja e sendeve të ndaluara në institucionin e ekzekutimit të vendimeve me burgim”.
j.l./ dita
Gjykimi nuk mund te filloj sa kohe qe Z.Erion Veliaj nuk ka pranuar fajesin e tij.1-SPAK-u ka gjithmon te drejte dhe nuk kundershtohet. 2-I pandehuri gjithmon (ne kete rast Z.Erion Veliaj) nuk ka te drejte.3-Per sqarim:Edhe sikur Z.Velaj te kete te drejte ,duhet ti referohet pikes se pare.
Me siguri qe avokati i Veliajt do mungoje ate dit dhe seanca nuk d zhvillohet .
SPAK-u e di mire se “Populli demokratik, i ngritur ne Revolucion Paqesor, me Salih Shpellarin ne krye, e do Veliajn te varur ne litar dhe Gjykata Kunder Korrupsionit te Krimit te Organizuar do ta plotesoje deshiren e kreut te agjentures serbo-greko-ruse ne Shqiperi, Sali Serbit.