Presidenti amerikan Joe Biden ka reaguar pas çeljes së negociatave me BE. Ai ka përshëndetur vendimin e Komisionit Europian për të hapur negociatat për anëtarësim në Bashkimin Europian me Shqipërinë dhe Maqedoninë e Veriut.
Biden në një reagim të shpërndarë nga ambasadorja amerikane në vendin tonë shprehet se “në një moment kur Rusia ka shkatërruar paqen në Evropë, është më e rëndësishme se kurrë të mbështesim aspiratën për një Evropë të plotë, të lirë dhe në paqe”.
Mesazhi:
Shtetet e Bashkuara mirëpresin hapat e rëndësishëm që Bashkimi Evropian po ndërmerr për të çuar përpara integrimin e Ballkanit Perëndimor në komunitetin euroatlantik duke hapur bisedimet e pranimit në BE me Shqipërinë dhe Maqedoninë e Veriut.
Në një moment kur Rusia ka shkatërruar paqen në Evropë, është më e rëndësishme se kurrë të mbështesim aspiratën për një Evropë të plotë, të lirë dhe në paqe. Një Ballkan Perëndimor demokratik, i sigurt dhe i begatë mbetet thelbësor për këtë vizion. Shtetet e Bashkuara do të vazhdojnë të jenë një partner i fortë dhe i besueshëm ndërsa ato vende punojnë për të mbrojtur të drejtat e njeriut, për të forcuar reformat demokratike dhe për të mbështetur sundimin e ligjit. Hapat që BE, Shqipëria dhe Maqedonia e Veriut kanë ndërmarrë ditët e fundit duhet të frymëzojnë të gjithë aspirantët e BE-së në rajon për të rritur angazhimin e tyre për forcimin e demokracive të tyre.
Statement by President Biden Welcoming Important Steps Towards EU Integration for Albania and North Macedonia | The White House https://t.co/yeULdeLB24
— Ambassador Yuri Kim (@USAmbAlbania) July 19, 2022
a.m/dita
Genjeshtra Amerikane pa krype bejne tani sikur ketyre ju intereson Shqiperija dhe Maqedomia ,ketyre ju intereson vetem varferija dhe mvaresija pre tyre ,pote ishin haq te interesuar dote kishin mare hapa para 20 viteve qe Evropa te shpejtonte procedurat dhe jo tani te dalin me duartrokitje,ne kete menyre punon Amerika.