Përfaqësues të PD së bashku me familjen e Azem Hajdarit kanë kujtuar sot me një ceremoni 24-vjetorin e vrasjes së tij.
Të pranishëm në ceremoni janë familja e Azemit, e veja, e bija Rudina Hajdari bashkë me vajzën e tij, djali i vogël që mban të njëjtin emër, i cili ka ardhur bashkë me partneren.
Kreu i PD, Sali Berisha në një deklaratë për mediat, u shpreh: “Për t’u përulur me nderimin më të madh, mirënjohjen më të pakufishme ndaj veprës së tribunit legjendar të shqiptarëve, Azem Hajdari. Azem Hajdari hyri në historinë e kombit tonë si shqiptari që me një grup të guximshëm studentësh, bënë më shumë se kushdo tjetër për lirinë e Shqipërisë dhe të shqiptarëve”.
Vajza e Hajdarit, Rudina u është drejtuar të rinjve me një mesazh.
Ajo tha se figura e Azemit dhe vepra e tij duhen marrë si shembull dhe frymëzim për t’u ngritur në protesta dhe për të luftuar të për idealet dhe të drejtat.
“Shqiptarët kanë humbur të gjitha shpresat se ndryshimi do vij, ndaj mendoj se Azemi është figura që të frymëzohemi dhe të mendojmë se ai është personi, që si student u çua për të sjellë ndryshimin. Mesazhi im sot është për të rinjtë që duan ta ndërtojnë jetën në Shqipëri, hajde të organizohemi dhe të luftojmë për idealet tona, të fitojmë betejat për më shumë demokraci, drejtësi, meritokraci. Besoj se nëse Azemi kishte guxim t’i bënte ato gjëra atëherë, ne mund t’i bëjmë të gjithë së bashku”, tha ajo.
j.l./ dita
