Futbolli në Amerikë vijon të luhet me një pasion dhe inat ndryshe nga vendet e tjera. Duelet e ashpra dhe ndërhyrjet e frikshme nuk mungojnë asnjëherë, teksa një rast i rrallë ka ndodhur në Honduras.
Derbi i zjarrtë Marathon-Olimpia përfundoi 0-1, me vendasit që e mbyllën sfidën me dhjetë lojtarë. Pas daljes me të kuq të qendërmbrojtësit Andre Orellana në minutat e fundit.
21-vjeçari, i zemëruar për humbjen në klasiken e Hondurasit, kreu një ndërhyrje me qëllim, duke rrëzuar në tokë dy lojtarë kundërshtarë, siç dallohet në video.
Dy futbollistët e kampionëve të Olimpias përfunduan të dëmtuar, teksa kryesori i tregoi menjëherë të kuqin Orellanas. I cili pritet të marrë edhe një masë disiplinore për veprimin e tij.
