Kryeministri i Shqipërisë Edi Rama, ka deklaruar edhe njëherë se nga sulmet kibernetike nuk është marrë asnjë e dhënë sensitive e qytetarëve shqiptarë.
Në një intervistë në emisionin “opinion”, Rama tha se Shqipëria ende nuk ka asnjë të dhënë në sistemin dixhital, prandaj sulmet e ardhura nga Irani nuk mund të kenë asnjë të dhënë të qytetarëve shqiptarë apo që kanë lidhje me të dhëna sekrete.
Pjesë nga biseda:
Pyetje: Nga e dini që pas sulmeve kibernetike qëndron Irani?
Rama: Të gjitha hetimet dhe të gjitha të dhënat flasin për grupe që funksionojnë me urdhër dhe sponsorizim të drejtpërdrejtë nga qeveria e Iranit.
Pyetje: A ishit të paralajmëruar ju për këtë?
Rama: Jo.
Pyetje: A keni marrë ndonjë paralajmërim nga Irani?
Rama: Jo, për ne ka qenë realisht e papranueshme dhe e paanashkalueshme për të ndërprerë menjëherë të gjitha llojet e marrëdhënieve, pasi bëhet fjalë për një sulm brutal, dhe ka kërcënuar në tërësi të gjithë ngrehinën e sistemeve tona.
Pyetje: Çfarë ka marrë Irani si informacion?
Rama: Ne kemi ndërtuar një proces gradual të mbrojtjes kibernetike bazuar dhe në faktin se nuk kemi të dhëna supersensitive në të dhënat digjitale. E dyta janë komunikimet e brendshme .
Pyetje: Çfarë të dhënash sensitive ka Irani?
Rama: Nuk ka informacione sensitive. Ne nuk kemi të dhëna personale që të mund të përdoren, apo të futen në të dhënat personale.
Pyetje: Po a kanë numrat e ID?
Rama: Numrat e ID janë një e dhënë pa asnjë vlerë, për sa kohë kartat tona të identitetit nuk kanë asgjë, nuk kanë të dhëna për shëndetin.
Pyetje: Kanë publikuar të dhënat e ish-Drejtorit të Policisë, ku ka informatorë?
Rama: Janë komunikime të e-mailit jo të sekretuar që ato kanë një vlerë skubi gazetares se vlerë tjetër.
Pyetje: Jeni i bindur se nuk gjëra tejet të rëndësishme?
Rama: Ne nuk kemi të dhëna tejet të rëndësihme për këtë gjë.
a.m/dita
