Nga Auron Tare
Kjo është një shprehje vlonjate që i shkon për shtat fare mirë kësaj historie me muzeun në Vlorë.
Dalën dy zyrtarë, me zë e me figurë, dhe na tregojnë broçkulla.
Zonja që besoj se nuk e mban mënd njeri cfarë pune bënte thotë se këtë Muze e ka kërkuar komuniteti hebre.
Mirë, po në Vlorë qofsha i gabuar sot nuk ka më komunitet hebre.
Zotëria tjetër që ka qënë KR Bashkie thotë, “Na e kërkoi AADF-ja.”
Po mirë more zoti Leli AADF-ja nga Dukati është? Apo nga Kanina? Apo është një organizatë që ka ardhur nga Delaware-i dhe paska vendosur se çfarë i duhet Vlorës?
Po mirë mo z Leli po ndonjë vlonjat u pyet?
U pyetën njerëzit që jetojnë këtu? U pyetën historianët, studiuesit, intelektualët, familjet e vjetra të qytetit, njerëzit që e kanë jetuar dhe e njohin historinë e Vlorës?
Apo u mblodhën disa njerëz në një zyrë, e vendosën dhe tani vlonjatit i mbetet vetëm ta marrë vesh nga televizori?
Se muzeu nuk është një tabelë që vendoset në rrugë.
Nuk është një projekt që i përket vetëm një fondacioni, një zyre apo dy zyrtarëve.
Muzeu i Vlorës është kujtesa e Vlorës.
Dhe kur bëhet fjalë për kujtesën e një qyteti, të paktën pyet ata që e kanë atë kujtesë.
Ndryshe, vlonjatit i mbetet të thotë, me të drejtë,
Ç’i q… tëmen kësaj pune!
—-
FOTO: Gërmimet dhe strukturat e reja prej betoni e metali brenda banesës monument kulture në Vlorë. Marrë nga raporti javor për punimet, DRTK Vlorë.
Vetëm fasada ka mbetur o Dita. Muzeu Hebraik në Vlorë ka rrafshu brendësinë e monumentit
Ti Vlora komentues vetem vlonjat nuk je. Keni muaj qe shpifni per nje gje qe s eshte aspak e vertete.
Keni ngritur konspiracione pa fund me cifut, i tmerruat njerezit
Është e vërtetë ajo që shkruan komentuesi i parë.
Banesa monument kulture ku po ndërtohet Muzeu Hebraik Shqiptar në Vlorë u premtua se do të ruhej, por punimet kanë lënë në këmbë kryesisht fasadën dhe kanë rrafshuar pothuajse gjysmën e saj. Ndërhyrja përfshin edhe kate të reja dhe gërmime nëntokësore, ndërsa kalimi i godinës nga Monument Kulture i Kategorisë së Parë në të Dytën i hapi rrugë ndërhyrjeve të thella.
Cfar pret nga bq-ja i Surelit
Edhe ministrat i ka bq ka dal videot sonte te atoj Sofjan Jaupaj
Esht kthyer ne kancerin e Shqiperis
‘Muret origjinale të ndërtesës, struktura mbajtëse dhe elementet tipike arkitektonike të qytetit historik ruhen me përpikëri”, shkroi më 9 shtator 2025 Blendi Gonxhja, atëherë ministër i Ekonomisë, Kulturës dhe Inovacionit dhe sot ministër i Turizmit, Kulturës dhe Sportit, për punimet në Muzeun Hebraik Shqiptar në Vlorë.
Postimi, i shoqëruar me pamje nga kantieri, i referohej një banese qytetare në Qendrën Historike të Vlorës.
Në listën publike të monumenteve ajo figuron në kategorinë e parë, sipas një vendimi të vitit 2006, ndërsa Drejtoria Rajonale e Trashëgimisë Kulturore Vlorë (DRTK Vlorë) e paraqet në kategorinë e dytë sipas një vendimi të vitit 2022.
Ndryshimi i kategorisë i parapriu miratimit të projektit për ndërtimin e një muzeu kushtuar hebrenjve në këtë ndërtesë ikonike.
Në vitin 2021, kryebashkiaku i atëhershëm i Vlorës, Dritan Leli, njoftoi se ndërtesa ishte zgjedhur për Muzeun Hebraik. DRTK Vlorë tha se ajo u shpall monument i kategorisë së dytë në dhjetor 2022 – paralelisht me prezantimin e projektit arkitekturor të muzeut nga Fondacioni Shqiptaro-Amerikan për Zhvillim (AADF) – ndërsa projekti më pas u miratua dhe e trajtoi si monument të kësaj kategorie në prill të vitit 2023.
Por punimet në ndërtesën që gjendet pranë Sheshit të Flamurit janë kujdesur vetëm për ruajtjen e fasadës, ndërsa stuktura e brendshme është rrafshuar totalisht, në shkelje flagrante të Ligjit për Trashëgiminë Kulturore dhe Muzetë.