Nathan Van Hooydonck, çiklist i Jumbo-Visma, është shtruar në gjendje shumtë të rëndë, pasi humbi ndjenjat (dyshohet për infarkt) teksa hipte në makinën e tij në Kalmthout, Belgjikë.
Kur ishte në semafor, me dritën e kuqe, atleti humbi kontrollin e makinës së tij, duke shkelur gazin, dhe goditi pesë automjete të tjera.
Të plagosur kanë mbetur një grua dhe një fëmijë në një Range Rover. Me të në makinë ishte edhe bashkëshortja e tij Alicia, tetë muajshe shtatzënë, por krejtësisht e padëmtuar, siç doli pas kontrolleve në spital.
Një dëshmitar i aksidentit tha: “Shkova menjëherë në Range Roverin e zi. Pashë që brenda ishte një grua dhe menjëherë u përpoqa ta qetësoja.
Menjëherë mbërritën dy punonjës socialë të policisë për ta ndihmuar gruan. Më pas u ktheva në makinë për të parë se si ishte burri. Mendoj se kishte pësuar një sulm epileptik apo diçka tjetër.
Ne filluam menjëherë ta ndihmonim për ta mbajtur në jetë dhe, kur mbërriti ndihma, shkova për të parë nëse mund t’u bëja diçka njerëzve të tjerë.”
Skuadra Jumbo-Visma nëpërmjet një reagimi shkruan:
“Nuk mund të konfirmojmë zërat se gjendja e tij është kritike, ai është duke iu nënshtruar ekzaminimeve të mëtejshme mjekësore.
Faleminderit të gjithëve për mesazhet tuaja për Nathanin dhe ekipin”.
Drejtori sportiv i Jumbo-Visma, Grischa Niermann, tha: “Ekipi nuk di më shumë sesa në media. Me sa duket, pati një aksident dhe duhej të shkonte në spital dhe mendoj se është në koma të induktuar. Është një lajm shumë i rëndë për ne, për të gjithë, veçanërisht për çikistë. Mendimet tona janë me të dhe të dashurën e tij. Ne të gjithë shpresojmë dhe dëshirojmë më të mirën.
Niermann shtoi se do të jetë një ditë “e vështirë” për ekipin në Vuelta.
Van Hooydonck iu bashkua Jumbo-Visma në 2021 dhe ka qenë një pjesë kyçe e ekipit. Ai ndihmoi Jonas Vingegaard në të dyja fitoret e tij në Tour de France dhe mbështeti Ëout van Aert teksa fitoi Turneun e Britanisë javën e kaluar.
