Zgjedhjet e 11 majit vazhdojnë të tregojnë një dominim të Partisë Socialiste në disa qarqe të rëndësishme në jug të vendit, ku socialistët kanë siguruar mbi 60% të votave.
Sipas rezultateve të deritanishme, PS kryeson bindshëm në Fier, Elbasan dhe Gjirokastër.
Në Fier, me 174 qendra votimi të numëruara nga gjithsej 587, PS ka marrë 62.91% të votave, duke lënë pas Koalicionin “Partia Demokratike – Aleanca për Shqipërinë Madhështore” (PD-ASHM) me vetëm 25.37%. Lëvizja Bashkë dhe koalicioni Nisma Shqipëria Bëhet kanë marrë përkatësisht 1.08% dhe 4.22% të votave. Në Fier Partia Mundësia ka marrë 1218 vota, ose 2.65%.
Në Elbasan, pas numërimit të 192 qendrave të votimit nga 508 të tilla, PS ka arritur të sigurojë 61.18% të votave, duke kryesuar bindshëm përpara PD-ASHM, e cila ka marrë 29.13%. Lëvizja Bashkë dhe Koalicioni Nisma Shqipëria Bëhet janë gjithashtu në garë, por me përqindje më të ulëta, përkatësisht 0.80% dhe 3.17%. Partia mundësia ka siguruar 1047 të votave ose 2.11%.
Në Gjirokastër, me 120 qendra votimi të numëruara nga gjithsej 198, PS është përpara me 64.12% të votave, ndërsa PD-ASHM ka marrë 27.95%. Lëvizja Bashkë dhe Nisma Shqipëria Bëhet kanë marrë gjithashtu përqindje të ulëta prej 1.00% dhe 3.14%, ndërsa Partia Socialdemokrate (PSD) ka marrë 1.09%. Partia Mundësia ka siguruar 333 vota ose 1.43%.
j.l./ dita
S`ka mundesi Malok,
Duhet te kene vjedhur
Po humbet dhe Listat,
Qe i pate fshehur!
Dhe Katundaria,
Qe u fale Tokat
Ta kane dhjere surratin
Nuk ti japin Votat.