Një studim i publikuar nga indy100 në bashkëpunim me The Independent dhe i mbështetur në të dhëna nga Durex dhe faqe të ndryshme takimesh online, ka renditur vendet me përqindjen më të lartë të personave të martuar që kanë pranuar se kanë pasur një lidhje jashtëmartesore.
Rezultatet zbulojnë dallime të qarta kulturore, shoqërore dhe morale mes kombeve, por edhe prirje të përbashkëta që lidhen me mënyrën se si njerëzit e përjetojnë dhe e interpretojnë besnikërinë.
Kryeson Tajlanda me 51%
Në krye të listës qëndron Tajlanda, ku 51% e të martuarve kanë pranuar se kanë pasur një aferë jashtëmartesore. Kjo përqindje e lartë shpesh lidhet me faktorë kulturorë dhe socialë, si roli tradicional i meshkujve, toleranca më e madhe ndaj marrëdhënieve jashtëmartesore dhe prania e industrisë së madhe të argëtimit për të rritur.
Europa e Veriut dhe e Perëndimit, më e hapur ndaj lidhjeve jashtëmartesore
Në Evropë, kryesojnë Danimarka (46%), Italia (45%), Gjermania (45%) dhe Franca (43%).
Këto vende njihen për një qasje më liberale ndaj marrëdhënieve intime dhe për një nivel më të ulët tabush në lidhje me seksualitetin.
Skandinavia dhe Europa Veriore
Norvegjia (41%) dhe Finlanda (36%) ndjekin të njëjtin trend. Edhe pse shoqëri shumë të zhvilluara dhe të barabarta gjinore, statistikat tregojnë se stabiliteti ekonomik nuk përkthehet domosdoshmërisht në besnikëri bashkëshortore.
Europa Jugore dhe Perëndimore
Belgjika (40%), Spanja (39%) dhe Mbretëria e Bashkuar (36%) përmbyllin listën e dhjetë vendeve të para. Studiuesit vërejnë se në këto vende ndikimin e kanë pasur faktorë si ndryshimet kulturore, përdorimi i gjerë i platformave të takimeve online dhe mënyra moderne e jetesës që shpesh e vë në provë jetën bashkëshortore.
POR KUJDES!
Studiuesit theksojnë se në këto shoqëri, njerëzit kanë më shumë gjasa të flasin hapur për përvojat e tyre, çka mund të ndikojë edhe në përqindjet më të larta të raportuara. Pra mund të ketë më shumë më vende ku tradhtinë e bëjnë fshehtas dhe gënjejnë. Veten, bashkëshortët dhe statistikat.
Besnikëria, një koncept që ndryshon sipas kulturës
Ekspertët theksojnë se koncepti i “tradhtisë” nuk kuptohet njësoj në çdo kulturë. Në disa vende, ajo lidhet ngushtë me moralin fetar dhe familjar, ndërsa në të tjera shihet si çështje private mes dy individëve.
Megjithatë, rritja e numrit të lidhjeve jashtëmartesore në shumë vende perëndimore tregon se marrëdhëniet tradicionale po përballen me sfida të reja në epokën e globalizimit dhe teknologjisë digjitale.
Po gratë më besnike?
Një artikull nga “Most Faithful Wives by Country: A Global Ranking” pretendon se vende si Islandë (9 % ‘infidelity’), Uruguai (10 %) dhe Irlandë (15 %) janë ndër ata me përqindje të ulëta të tradhtisë, dhe për këtë “me gratë më besnike”.
Kurthe dhe kufizime
Shumica e këtyre artikujve nuk publikojnë metodologjinë (p.sh., si është matur “besnikëria”, cilat ishin grupet, sa ishte mostra etj.) Të dhënat shpesh janë të pavërtetuara apo të mbështetura vetëm në deklarime subjektive, jo studime me mostër të përfaqësuar.
Termi “besnikëri” është i paqartë përkufizuar — a nënkupton mungesë të totalit të tradhtisë, apo vetëm një përqindje të ulët të deklarimeve për tradhti?
Kulturat, normat sociale, juridiksionet dhe raportimi i tradhtisë mund të jenë shumë të ndryshme ndër vende — pra krahasimet janë shumë të vështira.
Pra, mund të themi që ka indikacione se disa vende kanë përqindje të ulëta të tradhtisë ose përmenden si “me gratë më besnike”, por nuk ka një burim shkencor të fortë që të vërtetojë me siguri të tillë renditje globalisht.
o.p. / dita
