Pep Guardiola i Manchester Cityt është shpallur trajneri i vitit 2022/23 nga UEFA. 52-vjeçari spanjoll fitoi konkurrencën me Simone Inzaghin e Interit dhe Luciano Spallettin e Napolit.
Skuadra e Guardiolës e mbylli sezonin me sukses të trefishtë: në Premier League, FA Cup dhe UEFA Champions League. Kupa me veshë të mëdhenj u fitua për herë të parë në histori nga “qytetarët”.
Ky ishte triumfi i tretë i Guardiolës në Champios (pa dy sukseseve me Barcelonën), duke e bërë atë vetëm trajnerin e katërt që e prek këtë arritje.
Nën drejtimin e Guardiolës, City ka fituar 13 trofe madhorë, duke përfshirë pesë tituj kampion në gjashtë sezonet e fundit në Premier League. Së fundmi, Citizens fituan Superkupën e Europës për herë të parë më 16 gusht, duke e bërë spanjollin trajnerin e parë që e fiton trofeun me tri klube të ndryshme.
Rezultati i votimit:
1 Josep Guardiola (Manchester City)
2 Luciano Spalletti (Napoli)
3 Simone Inzaghi (Inter)
4 Roberto De Zerbi (Brighton)
5 Mikel Arteta (Arsenal)
6 Zlatko Dalić (Kroaci)
7 José Luis Mendilibar (Sevilla)
8 Didier Deschamps (Francë)
9 David Moyes (West Ham)
10 Franck Haise (Lent)
Haland i pari, Messi i dyti, De Bruyne plotëson podiumin!
Nuk kishte sit ë ndodhte ndryshe: Erling Haaland fiton çmimin “Lojtari i Vitit” nga UEFA. 23-vjeçari ishte i pamëshirshëm para portës, duke shënuar 52 gola në 53 ndeshje në të gjitha garat, ndërsa skuadra e Pep Guardiolës arriti triumfin e trefishtë: Premier League, FA Cup dhe UEFA Champions League.
Haaland e mbylli sezonin si golashënuesi më i mirë në të dyja garat, duke shënuar 12 në Champions dhe 36 në Premier League.
Norvegjezi mposhti konkurrencën e shokut të skuadrës, Kevin De Bruyne, dhe të Lionel Messit.
“Ylli” norvegjez u bë gjithashtu lojtari më i ri dhe më i shpejtë për të arritur në shifrën e 35 gola në Ligën e Kampionëve në total.
Rezultati i votimit:
1 Erling Haaland (Norvegji dhe Manchester City)
2 Lionel Messi (Argjentinë dhe Paris, tani në Inter Miami)
3 Kevin De Bruyne (Belgjikë dhe Manchester City)
4 İlkay Gündoğan (Gjermani dhe Manchester City, tani në Barcelonë)
5 Rodri (Spanjë dhe Manchester City)
6 Kylian Mbappé (Francë dhe Paris)
7 Luka Modriç (Kroaci dhe Real Madrid)
8 Marcelo Brozović (Kroaci dhe Inter, tani në Al Nassr)
9 Declan Rice (Angli dhe West Ham, tani në Arsenal)
10 Alexis Mac Allister (Argjentinë & Brighton, tani në Liverpool)
11 Jesús Navas (Spanjë dhe Sevilla)
