Pikat e testimit për Covid-19 në qendrat shëndetësore prej kohësh kishin rënë në qetësi. Stina e verës dhe ardhja e shumë turistëve rriti rastet më koronavirus në vend, por njëherësh edhe testimet.
Një pacient prej ditësh ka shfaqur gjendje rrufe, dhimbje fyti, temperaturë dhe lodhje. Referuar këtyre shenjave mjeku i familjes i rekomandoi testin e shpejtë për Covid, por doli negativ.
Megjithatë mjekët thonë se këtë javë 40% e pacientëve që kryejnë testin e shpejtë rezultojnë të prekur nga Covid-19.
Rikthimi i fëmijëve në shkolla dhe ndryshimet e temperaturave në vjeshtë pritet të shtojnë rastet me Covid krahas virozave të tjera në qarkullim.
Por mjekët thonë se situata nuk është shqetësuese. Covid-19 ka ulur agresivitetin dhe sëmundja në këtë sezon i ngjan një gjendje të lehtë gripale.
Rastet pozitive në këtë periudhë janë shumë më të larta e shifrat zyrtare pasi jo të gjithë i drejtohen testit të shpejtë.
Shumë mendojnë se është vetëm një rrufë e stinës ndërsa të tjerë edhe për shkak të frikës. Vetëm javën e fundit në të gjithë vendin janë kryer 2 mijë testime për Covid-19 dhe afro gjysma kanë dalë pozitiv.
