Ministri i Brendshëm, Bledi Çuçi, thirri sot në një takim drejtuesit e Policisë së Shtetit në qarqet e zonave bregdetare dhe shefat përkatës të komisariateve për të ndarë disa shqetësime të lidhuara posaçërisht me turizmin dhe vëmendjes që i duhet kushtuar sezonit.
“Siç ndodh zakonisht dihet që kulmi pritet në muajin gusht. Pavarësisht se kemi bërë përmirësime të shumta nga vitet e kaluara sërish po shohim fenomene që kurrsesi nuk duhen toleruar”, tha Çuçi.
Duke u ndalur tek respektimi i orarit të lejuar të muzikës në lokalet e natës, baret apo restorantet, ministri kërkoi zbatimin rigoroz të ligjit pa asnjë përjashtim për të gjithë subjektet.
Është e patolerueshme të ketë biznese me muzikë pas orës 11 të natës gjatë javës dhe pas orës 12 në fundjavë. Do të keni punë me mua nëse nuk e merrni seriozisht këtë punë.
Më keq akoma kur në ndonjë rast ka subjekte që tolerohen duke prishur kështu edhe konkurrencën në biznes e duke krijuar pakënaqësi. Ligji është i njëjtë për të gjithë, tha Çuçi.
a.m/dita
Mirë e keni, por nuk kuptoj se si ky ligj lejon që hoxha i xhamisë afér meje më zgjon në orën 4, apo 5 të mëngjezit, me disa altoporlante të fuqishme. Reth orës 7 fillojnë këmbanat katolike dhe pas saj ortodokse. Kemi thënë që Shqipërinë do t’a bëjmë si Europa dhe Amerika. Bëjeni pra, modernizoni fenë. Në Amerike ka kisha në çdo rrugë, por nuk i bien këmbanës, thonë se ka xhamija pa minare, por nuk di se ku janë, sepse nuk bëjnë zhurmë. Bashkija e Tiranës të mos qendroje indiferente, gjoja “përkrah” fenë, duke shkelur të drejtën e atyre që duan të jetojnë pa zhurma. Pronat afër zhurmës çvlerësohen dhe nuk e kuptoj se përse banorët nuk protestojnë për këtë fenomen. Feja duhet të modernizohet dhe të mos përdoren metoda mesjetare.