Shtetasit rusë dhe ukrainasi kanë dalë sot para gjykatës për t’u njohur me masën e sigurisë, brenda seancës gjyqësore që po zhvillohet ndaj dy rusëve, 33-vjeçares Svetlana Timofoeva, 24-vjeçarit Mikhail Zorin dhe ukrainasit Fiodor Mihailoviç. Të qetë në poamje, treshja qëndron në ‘kafazin’ brenda gjykatës.
Të tre ata janë futur në sallën e gjyqit brenda kafazit të xhamit të rrethuar nga forca të shumta sigurie.
Tre të huajt janë paraqitur para trupës gjykuese dhe do të njihen me masat e sigurisë.
Prokuroria ka kërkuar ndaj tyre masën “arrest me burg”.
Gjyqtarja Pajtime Fetahu tha se Prokuroria ka ngritur ndaj tyre akuzat: “dhënia e informatave sekrete”, “sigurimi i informatave”, “goditje për shkak të detyrës”, “stërvitja për prodhimin dhe përdorimin e paligjshëm të armëve dhe lëndëve të tjera të rrezikshme”.
Në dosjen e prokurorisë, organi i akuzës thekson se ka prova të arsyeshme se dy rusët dhe ukrainasit janë të rekrutuar nga shërbimet e inteligjencës dhe se ka ardhur me mision në vendin tonë.
j.l./ dita
