Ata që janë të apasionuar pas detit dhe oqeanit, sigurisht që u pëlqejnë dhe dallgët. Por kush është vala më e madhe që është regjistruar ndonjëherë në planetin Tokë? Po flasim për një valë të një megatsunami, 524 metra të lartë, që shpërtheu në një territor të largët të Alaskës, në vitin 1958. Gjithçka ndodhi më 9 korrik, rreth orës 22:00 sipas kohës lokale. Një tërmet me magnitudë 8.3 ballë të shkallës Rihter tronditi një mal në Gjirin e Lituya (Alaska, SHBA) në një masë të tillë që deri në 30 milionë metra kub tokë dhe shkëmbinj ranë shpejt në ujë. Dhe ngritën një valë prej më shumë se 500 metra të lartë, e që udhëtonte me 200 kilometra në orë. Një apokalipt i vërtetë. Ka disa hetime në këtë drejtim, si ai i udhëhequr nga eksperti spanjoll José Manuel González-Vida, nga Universiteti i Malagës, i cili erdhi për të krijuar një simulim vizual të valës, duke përdorur modele kompjuterike dhe që u botua në revistën Natural: “Rreziqet dhe Sistemi i Tokës”.
Në thelb, hetimet bien dakord se për të qenë e mundur, duhet të merret parasysh se fuqia e gjeneruar nga rrëshqitja e dheut ishte një faktor përcaktues, por se kishte një tjetër: forma e gjirit, një akullnajë e lashtë, nënkuptonte që forca mund të shkonte vetëm në një drejtim dhe ishte çelësi tjetër për të thyer këtë rekord. Për të pasur një ide të dimensioneve të valës, duhet theksuar se Empire State Building ka pak më shumë se 440 metra; ose se vala më e madhe e regjistruar ndonjëherë në një gji detar është 19 metra (në bregdet mund të bëhen më shumë), më 4 shkurt 2013, në Oqeanin Atlantik të Veriut.
