Kreu i grupit parlamentar të Partisë Socialiste, Taulant Balla foli këtë të enjte për Vizion Plus në lidhje me debatet e forta politike mes shumicës dhe opozitës në ditët e fundit.
Balla tha se halli i Saliut sot nuk ishte fati i McGonigal por i biri Shkëlzeni ishte thirrur në SPAK për vrasjen, tragjedinë e Gërdecit, shumë herë më të madh se 21 janarin.
“Mos harrojmë faktin që Saliu bënte rrëmujë në Kuvend. Çdo qytetar që na ndjek e di hallin e Saliut. Berisha nuk ka hallin as të PD as të opozitës por ka vetëm hallin e vet. Kemi parë sa herë që ngrihet një akuzë, sa herë që një familjar i tij thirret përpara drejtësisë, të njëjtën gjë bëri në 2019 kur iu hoqën vizat, e nxorri opozitën nga Parlamenti.
Ky ka një problem, të njëjtin huq dhe bën të njëjtat veprime në të gjith cviklin e tij 32-vjeçar në PD ka bërë të njëjtat veprime”, tha Balla.
Kreu i grupit parlamentar socialist u shpreh se çdo lloj kërkese të çdo lloj forme ku figuron firma e Sali Berishës, do të refuzohet.
Sipas tij, , ai që bërtet më shumë sot, është njeriu që është realisht i lidhur në këtë aspekt.
“Lidhur me McGonigal, një ish-zyrtar i lartë FBI-së që ka vizituar Shqipërinë si një funskionar i lartë, mbi të cilin është ngritur një akuzë, duhet t’ju them që i vetmi person nën hetim është ai. Nuk ka asnjë zyrtar shqiptar i cili te jetë në hetim apo i akuzuar”, tha Balla.
Në lidhje me “21 janarin”, Partia Socialiste si palë e dëmtuar në 21 janar ka dalë një prove e re e pakontestueshme sepse lidh ndodhitë që çuan deri në vrasjet me atë që është në transkript.
