Këshilltari për Sigurinë Kombëtare në SHBA, Jake Sullivan ka zhvilluar një bisedë telefonike me kryeministrin e Shqipërisë Edi Rama, pas vendimit për të dëbuar diplomatët iraniane nga vendi ynë, pas dyshimeve se mbrapa sulmeve kibernetike ndaj institucioneve shqiptare qëndron Irani.
Në emër të Shteteve të Bashkuara të Amerikës, Sullivan ka mbështetur kryeministrin Rama dhe Shqipërinë në vendimin e marrë sëfundmi.
Sipas asaj që shkruan zyra e shtypit e “Shtëpisë së Bardhë”, SHBA do të vijojë të qëndroje në krah të Shqipërisë si vend anëtar i NATO-s por dhe si aleat i rëndësishëm, në sigurinë dhe luftën kundër çdo lloj agresioni.
“Këshilltari i Sigurisë Kombëtare Jake Sullivan foli sot me kryeministrin Edi Rama të Shqipërisë për të shprehur mbështetjen e fortë të Shteteve të Bashkuara për aleatin tonë në NATO pas sulmit kibernetik të Iranit më 15 korrik. Ata u zotuan të vazhdojnë të punojnë së bashku në përpjekjet e Shqipërisë për korrigjimin dhe masat e sigurisë kibernetike. Gjithashtu, z. Sullivan shprehu vlerësimin për pritjen bujare të Shqipërisë për shtetasit afganë që janë larguar nga Afganistani, shumë prej të cilëve ndihmuan përpjekjet e SHBA-së atje. Ata diskutuan gjithashtu partneritetin tonë të vazhdueshëm për çështjet rajonale dhe globale, duke përfshirë NATO-n”, thuhet në njoftimin e bërë nga zyra e shtypit e Shtëpisë së Bardhë.
I spoke with Prime Minister Rama of Albania today. The United States stands with our NATO Ally following Iran’s cyberattack on July 15. https://t.co/eQS6bb1Pa1
— Jake Sullivan (@JakeSullivan46) September 8, 2022
j.l./ dita
