Irani ka reaguar pas vendimit të qeverisë shqiptare që deklaroi se Irani është pas sulmit kibernetik pak ditë më parë.
Në një deklaratë pasditen e së mërkurës, zëdhënësi i Ministrisë së Jashtme iraniane, Nasser Ka’nani hodhi poshtë akuzat si të pabaza.
Ministria e Jashtme iraniane e konsideron vendimin e Shqipërisë për të ndërprerë marrëdhëniet diplomatike me Iranin, “një veprim i pamenduar”.
“Si një nga vendet që ka qenë objekt i sulmeve kibernetike në infrastrukturën e saj kritike, Republika Islamike e Iranit kundërshton dhe dënon çdo përdorim të hapësirës kibernetike si mjet për të sulmuar infrastrukturën e vendeve të tjera”, tha zëdhënësi iranian.
Ai tha se “palët e treta që mbështesin terrorizmin kanë ndikuar në vendimin e gabuar të Shqipërisë”.
“Reagimi i menjëhershëm i Izraelit dhe SHBA dëshmojnë për një fushatë të re kundër Iranit”, theksohet në reagim.
Në deklaratë shprehet “keqardhja që Tirana zyrtare u influencua në vendimet e saj të papërshtatshme nga palë të treta”.
Reagimi është i njëjtë me atë që Irani ka bërë ndaj Shqipërisë në dy raste më herët në 2018 dhe 2020 kur Tirana dëboi ambasadorin dhe një numër diplomatësh.
a.m/dita
Ore po tani e more vesh ti qe Shqiperia edhe si shtet u krijua nga te tretet, asnjehere ne historine e saj 120 vjecare nuk ka marre veprime pa u urdheruar nga te tretet.
Allbania urupiane
Me popullin e Iranit kemi lidhje
gjaku.
Gabim shumë i rende strehimi i
kriminelëve të mek
Komentusit njani ma rryp se tjetri
Irani duhet te detyrohej me pare te pranonte fajin, kerkonte falje dhe te paguante nje sasi te konsiderueshme dollaresh per demin qe na shkaktoi me sulmin kibernetik pastaj te vendosej per prishjen e marredhenieve diplomatike. Diplomacia eshte kulmi i qyteterimit demokratik. Kadafi rrezoi nje avion pasagjeresh ne Angli, por u detyrua te pranonte fajin dhe te paguante miliona dollare.