Gjykata e Qarkut të Varshavës dënoi ish-rojen e sigurisë, shtetasin polak Grzegorz M. me 1.5 vjet burg.
Kjo, për spiunazh në favor të Bjellorusisë dhe armëmbajtje pa leje.
Lajmi u bë i ditur nga faqja polake “RMF24”.
Akuzat u sollën në gjykatë në maj të vitit 2022.
Hetimi për çështjen u krye nga Prokuroria e Varshavës së bashku me Shërbimin e Sigurisë së Brendshme.
Polaku u akuzua se pranoi të bashkëpunonte me inteligjencën bjelloruse kundër interesave të Polonisë, si dhe posedonte municion pa lejen e duhur.
“Gjykata e Qarkut të Varshavës e shpalli fajtor të akuzuarin Grzegorz M. për këto veprime dhe e dënoi me burgim total prej 1 vit e 6 muaj”, tha përfaqësuesi i shërbimit për shtyp, Karol Borcholski.
Ndalimi i Grzegorz M. u bë i ditur në mesin e tetorit të vitit 2021.
Asokohe, zyrtarisht u raportua se ai ishte një ish-oficer sigurie dhe kishte punuar me forcat e sigurisë edhe në dekadën e fundit të ekzistencës së ish-Bashkimit Sovjetik.
a.m/dita
