Një deputet ukrainas ka dorëzuar në Kuvendin e Ukrainës një rezolutë për njohjen e Kosovës. Deputeti Oleksiy Goncharenko thotë se Ukraina ndan vlerat perëndimore dhe duhet të mbështesë demokracinë kudo në botë.
“Kam dorëzuar në Parlamentin e Ukrainës një rezolutë për njohjen e pavarësisë së Kosovës. Ukraina ndan vlerat perëndimore dhe duhet të mbështesë demokracinë kudo në botë. Shpresoj se Ukraina do ta njohë pavarësinë e Kosovës sa më shpejt që të jetë e mundur”, ka shkruar ai në Facebook.
Ai ka theksuar faktin se në vitin 2010, Gjykata Ndërkombëtare e Drejtësisë e OKB-së pranoi se shpallja e sovranitetit shtetëror të Kosovës nuk bie ndesh me normat e së drejtës ndërkombëtare.
“Në vitin 2010, Gjykata Ndërkombëtare e Drejtësisë e OKB-së pranoi se shpallja e sovranitetit shtetëror të Kosovës nuk bie ndesh me normat e së drejtës ndërkombëtare, nuk shkel asnjë rezolutë dhe akt ndërkombëtar.
Jo më kot, 22 nga 27 vendet anëtare të BE-së, për të cilat ne përpiqemi, e kanë njohur tashmë Kosovën. Po ashtu Kosova njihet nga Shtetet e Bashkuara, Kanadaja dhe Britania e Madhe.
Prandaj, një hap konsistent i Ukrainës tani duhet të jetë njohja e sovranitetit shtetëror të Kosovës. Refuzoni një lloj tjetër manipulimi – situata midis Ukrainës dhe psedo-republikës “LDNR” nuk është e njëjta situatë si në Kosovë dhe Serbi”, ka thënë ai.
Pasi thekson se shqiptarët janë ndër popujt që po e mbështetin fort Ukrainën e sulmuar dhe se kanë mikpritur, refugjatët ukrainas, Goncharenko përmes një mesazhi në rrjetet sociale ka reaguar edhe për tensionet në veri të Kosovës.
Ai shkruan se Ukraina duhet të mbrojë kosovarët nëse Serbia sulmon Kosovën, duke shtuar madje se megjithë situatën brenda saj, ajo është gati të veprojë me trupa në terren.
o.j/dita
Do te ishte kenaqesi per Kosoven por?neqoftese Ukraina dota njohi Kosoven ateheri Serbija dota njohi Donjeckun dhe Luganskun mbas Rusise dhe per kete Ukraina nuk dote guxoj ta bej kete.
Ja pra edhe Erjon Brace i Ukraines, a thua se Zelenski me shpuren e tij nuk e dine kete fakt.