Zbardhet dëshmia e plotë e vrasësit serial Dan Hutra, i cili kreu masakrën me 3 viktima gra dhe 3 të tjera të plagosura në Tiranë.
Dan Hutra, 40 vjeç ekzekutoi me kallashnikov Mevlute Hysën, motrën e ish-gruas dhe Hasime Dafkun, kunatën e saj.
Po ashtu, ai plagosi rëndë ish-bashkëshorten dhe nënën e saj.
Të afërmit e familjes Hysa, thanë për mediat se në momentin e të shtënave, në banesë ndodheshin edhe bebet e vogla të familjes. Por Hutra, ka larguar foshnjen 1 muajshe të bashkëshortes së tij. Edhe pse ai mohonte në mënyrë të përsëritur atësinë e fëmijës, ka larguar foshnjen 1 muajsh. Në banesë gjithashtu ndodheshin edhe dy bebe të tjera, 2 dhe 6 muajsh.
Mësohet se në deklarimet e tij para hetuesve në Drejtorinë Vendore të Policisë së Tiranës, vrasësi 40-vjeçari nuk ka shfaqur asnjë shenjë pendese.
Ai ka theksuar se kishte në plan të vriste 4 persona, por nuk ka arritur dot tek i katërti pasi u arrestua.
Në dëshminë paraprake Dan Hutra ka deklaruar se vrasjet i ka planifikuar që kur ishte në burg.
Dëshmia e plotë:
Planin e kisha të përgatitur dhe kisha 4 objektivë për të vrarë. Në fillim doja të vrisja 40-vjeçaren në Astir, të cilën doja ta prisja në fyt, por u largua dhe në dyqan u futën njerëz të tjerë. Doja ta vrisja sepse më kishte 80 mijë euro borxh. Nuk doja ta qëlloja me armë sepse më pas nuk realizoja dot vrasjet e tjera.
Më pas shkova në Kodër-Kamez, sepse doja të vrisja ish-vjehrrin por duke qenë se nuk e gjeta në shtëpi, kam qëlluar ndaj grave. Pasi më mbaruan plumbat nxora thikën dhe sulmova me thikë. Më pas kisha dy objektivë, vëllain e Vladimir Kurtit dhe një person tjetër që i ka dhënë pistoletën vrasësit të babait tim para 23 vitesh.
Duke qenë se e kisha më afër dhe nuk kishte trafik shkova te shtëpia e Vladimir Kurtit. U futa në banesë dhe nuk gjeta njeri, po kërkoja vëllain e Vladimir Kurtit. Kur dola në oborr thirra: a ka njeri këtu? Dhe doli motra e tij. Qëllova ndaj saj, ndërsa ndaj nënës nuk qëllova vetë, sepse nuk doja ta vrisja.
Vrasjen e bëra sepse kisha sherr me vëllain e saj në burg dhe e kisha paralajmëruar. Mora makinën dhe u largova drejt Sharrës dhe rrugës jam ndeshur me disa patrulla policie të cilat shkonin drejt vendngjarjeve. Kur arrita në Kodër po prisja ardhjen e objektivit tjetër. Pas kryerjes së vrasjes së katërt unë do dorëzohesha vetë dhe do shkoja në burg.
j.l./ dita
