Një incident ka ndodhur pasditen e kësaj të hëne në Tiranë, ku një polic i Burgjeve dyshohet se është vetëplagosur me armë zjarri brenda ambienteve të QSUT. Bëhet fjalë për Shkëlqim Haxhimalin, polic në sistemin e burgjeve, i cili pas incidentit u shoqërua tek “Trauma” në gjendje të rëndë. Aktualisht 47-vjeçari është në gjendje kritike dhe nën ndërhyrje kirurgjikale. Policia tha se dyshohet se është vetëplagosur me armën e shërbimit. Ngjarja ndodhi rreth orës 18:10, teksa efektivi ishte duke marrë shërbimin. Ka qenë vajza e tij që e ka dërguar në spital, sepse ajo është kontaktuar e para nga vetë i plagosuri, duke i thënë që është rëndë. Grupi hetimor në bashkëpunim me Prokurorinë po punon për sqarimin e rrethanave të ngjarjes. Nuk përjashtohen edhe rrethana e shkaqe të tjera, por grupi hetimor do presë rezultatet e ekspertimit dhe marrjes ne pyetje, të ballafaquara me analizën e pamjeve filmike në zonë. Po hetohet nëse kemi të bëjmë edhe me një përpjekje për flijim nga ana e efektivit dhe vetëm provat mund ta eliminojnë si pistë.
Detajet/ Pasi plagosi veten aksidentalisht, polici i Burgjeve telefonoi të bijën për ndihmë
