Elton Javori, 41-vjeçari që ukzekutua mesditën e sotme në lagjen “16 prilli” në Fier raportohet se është nipi i Demir Backës.
Ky i fundit u vra u vra në një atentat më 23 Tetor të 2021-it pranë një qendre tregtare në Fier.
Elton Javori është qëlluar për vdekje me dy plumba në bark sapo ka zbritur nga automjeti i tij tip “Porche”.
Viktima u transportua drejt spitalit të Fierit, por nuk arriti që t’i mbijetojë plagëve të marra.
Mësohet se viktima kishte rreth 2 javë që ishte kthyer nga Gjermani, ku jeton edhe i vëllai, ndërsa nuk njihej si person problematik.
Dyshohet se ai ka pasur një konflikt së fundmi, por ende nuk dihen motivet e vrasjes së tij.
Demir Backa është vëllai i një ish-anëtari të bandës së Fierit i vrarë në 1997, Medi Backa.
Ky i fundit u vra në masakrën e Levanit bashkë me 23 persona të tjerë.
Fisi Backa, me të cilin raportohet se ka lidhje viktima është me origjinë nga Kosova e banim të hershëm në Fier si dhe janë mjaft të fuqishëm ekonomikisht në këtë qytet, të konsideruara ndër 2 familjet më të pasura.
Demir Backa njihej në Fier gjerësisht për shkak të historive nga e kaluara, por edhe bizneseve të tij të cilat shtriheshin deri në zonat bregdetare në jug të vendit.
Megjithatë nuk dihet nëse ngjarja e sotme ka lidhje me atentatin e para dy viteve.
Edhe pse është raportuar që blutë kanë identifikuar autorin, ende nuk bëhet i ditur emri i tij.
j.l./ dita
