E ndërsa po vijojnë hetimet dhe kërkimet për gjetjen e 2 shtetasve të kallëzuar të humbur në Sarandë Leonard Thodhori dhe Fatmir Sulovari, policia ka bërë me dije se është vënë në pranga një 28 vjeçar, si person i dyshuar se ka dijeni në lidhje me ngjarjen.
Ndaj shtetasit me inacialet S.B banues në Sarandë Gjykata e Rrethit Gjyqësor të këtij qyteti ka caktuar masën e sigurisë “Arrest në burg”, për veprat penale “Veprime që pengojnë zbulimin e së vërtetës” dhe “Deklarata e rreme përpara oficerit të policisë gjyqësore”.
“Vijojnë hetimet e thelluara, në drejtimin e Prokurorisë, për sigurimin e provave, me qëllim zbardhjen e ngjarjes dhe gjetjen e shtetasve L. Th. dhe F. S. Ndërkohë, shërbimet e Policisë vijojnë kontrollet në terren dhe në ambiente të ndryshme, për gjetjen e shtetasve L. Th. dhe F. S. Materialet iu referuan Prokurorisë, për veprime të mëtejshme”, bëjnë me dije zyrtarët e policisë.
p.k\dita
