Komiteti i Investimeve Strategjike shpall investitor strategjik Jared Kushner, dhëndrin e Trump, për ndërtimin e një resorti turistik në Sazan. Më 20 janar, Trump merr detyrën si president i SHBA. Statusi investitor strategjik jepet për 10 vite, investimi 1.4 mld euro dhe ndërtimi në 3 faza. Projekti do shtrihet në 45 ha ose 8% të ishullit me 1 mijë të punësuar.
Kompania e Jared Kushner, dhëndrit të presidentit të zgjedhur të SHBA Donald Trump, merr statusin e investitorit strategjik për ndërtimin e një resorti luksoz në ishullin e Sazanit.
Vendimi u mor nga Komiteti i Investimeve Strategjike nën drejtimin e kryeministrit Edi Rama më 30 dhjetor 2024, duke pranuar propozimin e kompanisë Atlantic Incubation Partners LLC dhe t’i japë asaj status të investitorit strategjik me procedurë të veçantë.
Vendimi mban firmën e Ramës dhe të 7 anëtarëve të tjerë, zëvendëskryeministres Balluku, ministrave Gonxhja, Vengu, Malaj, Kumbaro, Denaj dhe të avokatit të shtetit Odise Moçka.
Sipas këtij vendimi investimi në ishull nga kompania e dhëndrit të Donald Trump kap vlerën e 1.4 miliardë eurosh dhe ndërtimi parashikohet të shtrihet në 8 përqind të ishullit apo në një sipërfaqe prej 45 hektarësh.
“Vlera e investimit të projektit turistik “Resorti Turistik – Ishulli i Sazanit” i plotëson kriteret e parashikuara nga legjislacioni për investimet strategjike dhe parashikohet të jetë 1.4 miliardë Euro”, thuhet në vendimin e KIS.
Me miratimin e statusit, kompania e lidhur me Jared Kushner, dhëndri i Presidentit të zgjedhur të SHBA, Donald Trump, do duhet të negociojë një kontratë me kompaninë publike Korporata e Investimeve Strategjike, ndërsa një sërë institucionesh shtetërore, përfshi ministritë e Infrastrukturës, Mbrojtjes, Mjedisit, Ekonomisë vihen në dispozicion të kompanisë për të transferuar pronën dhe përgatitur dokumentacionin për lehtësim të punimeve.
Vendimi i KIS nuk bën me dije se çfarë përfiton Shqipëria nga transferimi i pronës publike në favor të kompanisë amerikane, por përmendet se do të negociohet një kontratë me kompaninë amerikane, ku edhe Shqipëria do jetë pjesë e këtij investimi. Kjo ishte paralajmëruar edhe nga kryeministri Edi Rama.
Forma e pjesëmarrjes së shtetit në këtë investim do të realizohet nëpërmjet krijimit të një entiteti juridik të përbashkët të përbërë nga Korporata e Investimeve Shqiptare (AIC), Albanian Seaports Development Company sh.a (ASDC), në cilësinë e palës shtet, dhe subjektit investues Atlantic Incubation Partners LLC, shoqëri e të drejtës amerikane.
Projekti i propozuar nga subjekti aplikues “Atlantic Incubation Partners” LLC shoqëri e të drejtës amerikane me Nr. identifikimi (EIN) 92-3329707 do t’i nënshtrohet një procesi shqyrtimi dhe analizimi për të vlerësuar kushtet dhe kriteret e mundësisë së bashkëpjesëmarrjes së shtetit shqiptar në këtë investim strategjik sipas parashikimeve të Vendimit të Këshillit të Ministrave Nr. 1030, datë 16.12.2015 “Për organizimin dhe formën e pjesëmarrjes së shtetit në investimet strategjike dhe rregullat për krijimin, funksionimin e administrimin e Fondit të Pasurive të Paluajtshme për Mbështetjen e Investimeve Strategjike (FPPMIS)”.
Vendimi i KIS parashikon një sërë hapash që do ndërmerren kryesisht nga institucionet shtetërore në Shqipëri, për të ndihmuar kompaninë në sigurimin e pronës, dokumentacionin e nevojshëm dhe veprime të tjera që pritet të përmbyllen në tre muajt në vijim. Kompania nga ana tjetër do duhet të nënshkruaj një kontratë me Korporatën e Investimeve Strategjike dhe Albanian Seaports Development Company sh.a ndërsa do duhet të sigurojë me investimin e vet ujin, energjinë e të ngjashme.
“Forma e pjesëmarrjes së shtetit në këtë investim do të realizohet nëpëmjet krijimit të një entiteti juridik të përbashkët të përbërë nga Korporata e Investimeve Shqiptare (AIC), Albanian Seaports Development Company sh.a (ASDC), në cilësinë e palës shtet, dhe subjektit investues Atlantic Incubation Partners LLC, shoqëri e të drejtës amerikane”, thuhet në vendim.
Vendimi i KIS bën me dije se statusi jepet për një periudhë 10 vjeçare dhe se ndërtimi parashikohet të jetë i ndarë në tre faza.
“Statusi “Investim/Investitor strategjik procedurë e veçantë” i jepet projektit të investimit “Resorti Turistik – Ishulli i Sazanit” për një periudhë 10 vjeçare. Ky afat do t’i shërbejë projektit strategjik për përfitimin e procedurave me prioritet dhe brenda afateve të përshpejtuara, në përputhje me legjislacionin për investimet strategjike, si dhe plotësimin e detyrave dhe planit të veprimit të parashikuar në këtë vendim.
Ndërkohë, marrëveshja që do të nënshkruhet, pas negocimit dhe finalizimit sipas parashikimeve ligjore, në fazat e mëtejshme të vlerësimit të projektit, do të parashikojë afatin e nevojshëm të realizimit të plotë të investimit, angazhimet dhe detyrimet e ndërsjellta mes palëve dhe masat e detajuara mbështetëse, që përfiton ky projekt, sipas legjislacionit në fuqi”, thuhet në vendim.
Deri në 1 mijë persona parashikohet që të punësohen në këtë resort.
“Përgjatë fazës së realizimit të investimit dhe operimit, numri i personave të punësuar parashikohet të jetë 1,000 (një mijë) persona”, thuhet në vendim.
Ky investim propozohet si një projekt i integruar me marinë turistike si dhe struktura akomoduese elitare, rezidenca me standard të lartë, zona gastronomike, zona rekreacionale me shërbime në funksion të tyre.
Planet për ndërtimin e një resorti turistik luksoz në Sazan dhe një tjetri në Zvërnec nga Kushner dhe kompanitë e lidhura me të, u bënë publike në fillim të vitit që shkoi dhe kryeministri Edi Rama foli hapur në favor të tyre ndërsa i tha Nju Jork Times se interesimi i kompanisë së Kushner e bënte atë “krenar dhe të lumtur”. Projektet financohen nga kompania e investimeve e Kushner Affinity Partners, e cila mbështetet në fonde nga qeveria e Arabisë Saudite.
Planet dhe aprovimi apriori i qeverisë shqiptare u kritikuan nga opozita se po bëheshin për të përfituar favore politike në rast të rizgjedhjes së Trump në krye të Shtëpisë së Bardhë dhe mungesës së transparencës e garës.
Rama do ngelet në historinë tonë si k/ ministri më aventurjer dhe më mëndjelehti .
Kjo është tradhëti e pastër !
Po ne populli ç’jemi ?!
Ne jemi një popull pa dinjitet ……
Tani ne 3 te nates i hape komentet per kete teme?Epo tani eshte vone.Neser ne mengjes kur te pime kafene.
N’a ka ngel névé jo po e ka fajin Turku jo po Enveri jo po Saliu jo po Rama. Jo or jooooo e kemi ne si popull fajin.
TE FLASESH PER RAMEN
RREH UJE NE HAVAN
LLAPIM KOT SE KOTI
BYTHA SNA E MBAN
TA COJME NE HESFEL
TE SHPETOJ MILETI
BOLL ME FJALE VELLEZER
I POPULLIT ESHTE PUSHTETI
TE FLASESH ME RAMEN
RREH UJE NE HAVAN
LLAPIM TERE DITEN DITEN
SE BYTHA SANA E MBAN
TA COJME NE HESFEL
TE SHPETOJ KY VEND
NE PALCE VAJTUR THIKA
VELLEZER MBLIDHNI MENT
perralla me etikete Investitor Strategjik persiper – atij dhenderrit te Trump i jepet dhurate Sazani nga ky Pushtet Rama qe Shqiperine e ka si ciflikun e tij menjehere para ardhjes se Trump ne detyren e Presidentit.
Rama eshte gadi jo te shese, por dhe te fale e jape gjithcka falas (edhe prapanicen e tij ne se ja pranojne) qe mund ti sherbeje ne zvarritjen ne pushtet.
Lajmi eshte gezushem vecanarishr per gjyshin,mamuthin e kirrupsionet dhe ze hollin!!?
Lajmi jep investiminNe shqiptareve na inetereson me sa para e bleu Sazanin!?Ishujt ne dreqoll ne paqesore shitem me miljarda dollare!
×pensionistin . Nuk është shitur dhe nuk e ka blerë askush Sazanin . Mos e teproni si përherë , me urrejtje ndaj Ramës , të çnderuar militantë viçidollas . Në ishullin shqiptar ku rriten vetëm gjarpërinj e breshka , do të bëhet një investim për të ndërtuar një resort modern turistik dhe që do të zërë vetëm 8 hektar terren , pra , as një të qintën e ishullit . Ishulli I Sazanit , para 20 vjetësh , u vizitua nga një korporatë gjermane ndërtimi resortesh turistike , u bënë dhe studime të ndryshme , por më në fund u braktis ky projekt për shkak të kostos së lartë . Qeveria e asaj kohe dhe opinioni publik mbeti i keqardhur nga tërheqja e gjermanëve . Tani që u gjend investitori , në vënd që të lavdërohet Rama , shahet e kritikohet nga vrer vjellësit e përhershëm militantë të non gratës , jo se i vjen keq për Sazanin , por pse ky investim të bëhej në kohë të Ramës . Vazhdoni të lihni juve , ndërsa në pranverë fillojnë punimet .
Une si ndertues ii vjeter i respektoj investimet e huaj ne Shqiperi,sic jam kundra investime te shqiptareve anekend botes ne ofshore!?Nga pasurite natyrore shqiptare sa ta ardhura jane arketuar ne buxhetin e shtetit nga hajdutet koncesionare!?Sa para do te arketoi shtetit nga ky pazar!Patronazhist te lutem na sqaro!Nuk je shqiptare me shume se une!
Patronazhisti i satëme o pensionist , ç’të të them tjetër ? Shteti ynë do të përfitojë tvsh-në dhe taksa të tjera për çdo dhomë të resortit , që do të kushtojë mbi një mijë euro nata . Gjithashtu, ndërtimi do të mbetet në Shqipëri për gjithmonë , nuk do ta marë me vehte në Amerikë investitori .
Ore Dash.
E di ti kush qendron prapa Kushner?
Kushner nuk ka miliarda.Miliarda ka Trump por qe nuk I jep nje kacidhe dhendrit.
Kushner do te beje kete bisnes me parate e arabit .
Shiko dicka interesante z.Dash.
Ne portin e Durresit na shfaqet investitor nje arab.Rezultati?
Ne kabllot perseri ne mes nje arab.
Pas Kushner perseri nje arab.
Mendoj se ketu luhet dicka me keta arabe.
Ore mali , së pari , Trump nuk ka pse t’i japë para Kushnerit se nuk e ka asgjë . Investitori strategjik i shpallur nga Shqipëria , është dhëndri I Trumpit dhe jo Kushneri . Dhëndri i Trumpit në biznes , është ortak me një arab , gjë që neve nuk na intereson se me kë bashkëpunon ai , Shqipëria njef dhëndrin e Trump , ai firmos kontratën . Se nga i gjen ai paratë për investim nuk na intereson , sido që të vejë puna , Shqipëria nuk humbet gjë , humbet ai që investon . Sidoqoftë këto janë gjëra që studiohen mirë nga të dy palët para firmosje së kontratës . Dhëndri I Trump dhe e bija e tij , nuk u bënë sot ortakë për Sazanin tonë , kanë qënë ortakë prej vitesh dhe Dhëndri i Trump ka 60% të aksioneve , ndërsa arabi 40% .