Shpendë të ngordhur janë konstatuar në zonën e Plazhit të Vjetër në qytetin e Vlorës, duke ngritur shqetësime për një shpërthim të mundshëm të gripit të shpendëve.
Tre grupe specialistësh veterinerë janë vënë menjëherë në terren në zonat e Plazhit të Vjetër, grykëderdhjen e Vjosës dhe ne Lagunën e Nartës për të marrë mostra nga shpendët e ngordhur, me qëllim përcaktimin e shkakut të ngordhjeve.
Sipas autoriteteve veterinare, dyshohet për praninë e gripit të shpendëve, një sëmundje shumë infektive që mund të prekë shpendët e egër dhe ata shtëpiakë.
Mostrat janë dërguar në laboratorin e Tiranës. Rezultatet pritet të mbërrijnë brenda tri ditëve.
Gripi i shpendëve është një sëmundje virale që transmetohet shpejt mes shpendëve dhe mund të shkaktojë dëme të mëdha për faunën dhe bujqësinë lokale.
j.l./ dita
