Janë zbardhur emrat e tre prej pesë të arrestuarve në Malin e Zi, për dhunën ndaj tre shqiptarëve.
Sipas Policisë malazeze, të arrestuarit janë Branko Vuksanović, Sergej Dević si dhe Kosto Dunđerovic.
Të gjithë këta persona janë me vendbanim në Zelenika, pikërisht në lagjen ku edhe ndodhi ngjarja.
Ata kanë qenë me veshje ushtarake që përdoret për gjueti.
Si ndodhi ngjarja dhe kush janë tre të dhunuarit:
Ngjarja ka ndodhur më 6 janar rreth orës 14:00, në vendin e quajtur “Zelenika”, në afërsi të qytetit të Herceg Novit. Shtetasit shqiptarë Klodjan Meaj, Azem Dervishi dhe Doris Kopaci, kanë qenë duke lëvizur me një automjet me targa gjermane dhe befas janë sulmuar pa asnjë shkak, nga një grup prej 6 ose 7 personash, të cilët kanë goditur fillimisht automjetin dhe më pas kanë sulmuar fizikisht shtetasit shqiptarë, duke iu shkaktuar dëmtime fizike në pjesë të ndryshme të trupit.
Të tre shtetasit shqiptarë janë paraqitur në Policinë lokale, në Herceg Novi, ku fillimisht janë trajtuar nga ana e mjekut ligjor, i cili ka konstatuar dëmtime të shkaktuara nga goditjet fizike
j.l./ dita
