Mbrëmjen e datës 30 nëntor, mjeku 60 vjeçar është dhunuar nga dy persona për arsye ende të paditura sipas një njoftimi për shtyp nga policia. Mjeku vuante nga probleme shëndetësore (hipertension).
Policia në bashkëpunim me Prokurorinë pranë Gjykatës së Shkallës së Parë Elbasan po hetojnë pë rastin.
Njoftimi i plotë:
Mbrëmjen e datës 30 nëntor, është dërguar nga familjarët, në spitalin e Gramshit, për ndihmë mjekësore, pasi ishte dëmtuar në fytyrë, shtetasi V. Sh., 60 vjeç, me detyrë mjek.
Nga veprimet paraprake hetimore, u konstatua se ky shtetas vuante nga probleme shëndetësore (hipertension).
Në vijim të hetimeve të thelluara për këtë rast, Policia ka identifikuar 2 autorët e dyshuar dhe ka referuar materialet në Prokurori, për ta, pasi dyshohet se kanë goditur shtetasin V. Sh.
Për të ruajtur konfidencialitetin e hetimeve që po kryhen në bashkëpunim me Prokurorinë pranë Gjykatës së Shkallës së Parë Elbasan, nuk bëhen të ditura të dhëna të tjera.
a.m/dita
