I riu shqiptar, Riald Gragjevi është vënë në pranga nga policia në Maltë pasi ka plagosur rëndë një person natën e Vitit te Ri.
21-vjeçari shqiptar punonte si truprojë në një klub nate në Paceiville dhe natën e ndërrimit të viteve ishte në pune. Sipas dëshmisë së Gragjevit mësohet se është shprehur se edhe ai ishte viktimë e dhunës pasi ishte plagosur në shpatull me shishe të thyer.
Pas ngjarjes truprojet kanë ndërhyrë dhe kanë dhunuar 25-vjeçarin, Ahmed Albarjo, i cili mori plagë të rënda. 21-vjeçari u arrestua pasditen e 3 janarit teksa tentoi t’i hipte avionit për t’u larguar nga vendi.
Avokati i të riut u shpreh se Gragjevi nuk po tentonte të largohej për shkak të ngjarjes pasi bileta ishte prerë 3 javë para ngjarjes.
Gragjevi u dërgua në paraburgim, ndërkohë që hetimet e policisë për rastin janë ende në vazhdim.
j.l./ dita
