“Diçka po lëviz sot në Bullgari”, Rama ‘ndërron mendje’, vendos të marrë pjesë në Samitin e BE

Kryeministri Edi Rama është tërhequr nga vendimi për të bojkotuar Samitin e Bashkimit Evropian që pritet të mbahet më 23 qershor dhe ka vendosur të shkojë në Bruksel.

Në një postim në rrjetet sociale, kreu i qeverisë shkruan se vendimi i tij ka ndryshuar pas ‘lëvizjeve’ të bëra në Bullgari, referuar vendimit të Opozitës së Bullgarisë për të hequr veton ndaj Maqedonisë së Veriut, gjë që do t’i hapte rrugën integrimit të Shqipërisë.

Gjithsesi, Rama thotë se nuk shpreson se do të ketë ‘dritë jeshile’ në Samitin e BE-së, por që do të shkojë për t’u dëgjuar për Ballkanin e Hapur.

“Ne do të marrim pjesë në mbledhjen e Këshillit të BE-së. Nuk do të ketë shumë për të dëgjuar për ne, por ne do të kërkojmë të dëgjohemi për idenë e një Komuniteti të Ri Politik Evropian që ne mbështesim, për Ballkanin e Hapur që çon përpara frymën e Evropës dhe për rrëmbimin tonë nga Bullgaria që shkatërron atë. Sapo dëgjova që diçka po lëviz sot në Bullgari. Shumë herët për të qenë optimist dhe shumë pak për të ndryshuar pjesën e fjalimit të nesërm ku Bullgaria kritikohet si një vend që ka rrëmbyer dy vende të NATO-s, ndërkohë që ka një luftë të nxehtë në kufirin e Evropës!”, shkruan Rama.

Just heard right now that something is moving today in Bulgaria. Too early to be optimistic and too little to change the part of the tomorrow speech where Bulgaria is criticised as a country which has kidnapped two NATO countries while there is a hot war at the Europe’s border!

— Edi Rama (@ediramaal) June 22, 2022

j.l./ dita