Tipike pranverore do jetë kjo e dielë në territorin shqiptar, me të gjitha karakteristikat, diell, vranësira dhe momente me pika shiu.
“Ka një përmirësim të dukshëm dita e dielë, ku moti është i kthjellët pothuajse në të gjithë ultësirën perëndimore dhe vijën bregdetare”, thotë sinoptikania Lajda Porja.
Moti do të jetë kështu relativisht i freskët, me temperatura që nuk shkojnë më shumë se 26 gradë.
“Një atmosferë tipike pranvere, nuk është se kemi atë diellin përvëlues, por vranësirat janë prezente. Ky Maj na ngjason me majin e viteve ‘90, ku nuk kalojmë menjëherë me mëngë të shkurtra. Maksimumet luhaten 25-26 gradë”.
Edhe në fillimin e javës së ardhshme do te kemi prezente vranësirat.
Kushtet e motit përmirësohen ndjeshëm nisur nga 15 Maji.
“Prezenca e reshjeve do jetë më e pakët dhe do kemi më shumë ditë me diell”.
Deri në fund të muajit, temperaturat pritet të ngjiten deri në 30 gradë Celsius.
b.m/dita
