Ish-ministri i Punëve të Jashtme, Paskal Milo ka deklaruar sot gjatë një interviste televizive se SHBA është nismëtarja dhe mbështetësja më e madhe e reformës në drejtësi. Për këtë arsye, sipas Milos, deklaratat e ambasadorëve amerikanë në vend, nuk duhet të merren si deklarata personale.
Referuar deklaratave të pak ditë më parë të ambasadores së SHBA në Tiranë, Yuri Kim, Milo tha se përgjegjësia e SHBA-ve për zbatimin e reformës në drejtësi, është e tillë që i jep ambasadorit amerikan një pushtet goxha të madh për ta ndjekur.
“Reforma në drejtësi ka ecur, mund të ecte më mirë. Nuk duhet t’i marrim veprimet, deklaratat e ambasadorëve amerikanë në Shqipëri, si deklarata personale. Janë zëdhënës të politikës zyrtare amerikane, konkretisht DASH-it”, theksoi ai. m.b./dita
