Në Pallatin e Brigadave në Tiranë është duke u zhvilluar mbledhja informale e qeverisë, e thirrur nga kryeministri Edi Rama.
Në ditën e dytë të mbledhjes, mësohet se po diskutohen strategjitë dhe programi elektoral për zgjedhjet e 11 majit.
Fokus i diskutimeve mbetet hartimi i një platforme që synon sigurimin e mandatit të katërt radhazi për PS-në, me projekte zhvillimore dhe objektivin për anëtarësimin e Shqipërisë në BE brenda dekadës.
Gjithashtu, drejtuesit politikë të qarqeve kanë dorëzuar emrat e propozuar për listat e deputetëve.
Raportohet se këto emra do të shqyrtohen në një mbledhje të posaçme të kryesisë së PS, që pritet të mbahet përpara afatit të 12 marsit.
i.b./dita
A paguan Partia Socialiste per mbledhjet ne Pallatin e Brigadave ? A paguan PS per takimet ne Vilen 30 ? Kjo eshte partia shtet.
Pallati i Brigatave dhe vila 30 , janë pronë publike e shtetit dhe shteti nuk ka se si të paguajë veten e vet . Në këto vënde , ashtu edhe në pallatin e Kongreseve , nuk paguan askush , as partitë e ndryshme apo shoqatat , madje opozita i përdor më shume se qeveria , këto janë pasuri e shqiptarëve dhe në shërbim të tyre . Ndryshon puna kur takimet apo aktivitetet bëhen nëpër sallat e hoteleve dhe pasuritë private . Në këto raste sigurisht që paguhet qira , nuk të fal kush t’a shfrytëzosh pa pagesë .