Në ditën ndërkombëtare të përkujtimit të Holokaustit, ambasada e SHBA në Shqipëri ka shpërndarë mesazhin e presidentit amerikan Joe Biden.
Ai shprehet se sot SHBA kujtojnë viktimat e Holokaustit, ndërsa shton që për brezat që do të vijnë do të vazhdojnë të mbrojnë vlerat themelore si komb, lirinë, barazinë dhe dinjitetin për qeniet njerëzore.
“Në Ditën Ndërkombëtare të Përkujtimit të Holokaustit dhe çdo ditë, Shtetet e Bashkuara qëndrojnë me viktimat e Holokaustit, familjet e tyre dhe pasardhësit e tyre. Ne kujtojmë. Ne nderojmë historitë e tyre.
Ne do të përballemi me urrejtjen dhe gënjeshtrat që mbajnë në to jehonën e tmerrshme të njërit prej kapitujve më të këqij të historisë njerëzore. Dhe për brezat që do të vijnë, ne do të vazhdojmë të mbrojmë vlerat tona themelore si komb – lirinë, barazinë dhe dinjitetin për të gjitha qeniet njerëzore”, thuhet në mesazhin e Biden.
j.l./ dita
