Trupi i dekompozuar i një 60-vjeçari është gjetur në një kanal vaditës në fshatin Korie, Divjakë. Policia bën me dije se nga këqyrja paraprake që iu bë trupit të pajetë këtë të shtunë rreth orës 10:00, nuk janë konstatuar shenja dhune.
Shtetasi R. P. ishte banues në Këmishtaj dhe është shpallur në kërkim që nga 30 janari pasi familjarët kallëzuan largimin e tij nga shtëpia. Grupi hetimor po punon për zbardhjen e rrethanave të ngjarjes dhe përcaktimin e shkakut të vdekjes.
m.b./dita
