Ngjarje e rëndë është shënuar ditën e sotme në fshatin Remas të Divjakës ku një djalë ka mbytur babain e tij. Viktima është Dhimitër Stase 85 vjeç, i cili ka gjetur vdekjen nga djali i tij rreth 40 vjeç Andrea Stase. Mësohet se viktima jetonte në një shtëpi me dy djemtë e tij të cilët dyshohet se kishin probleme të shëndetit mendor.
Mediat kane shkuar në vendngjarje dhe mesohet se ngjarja ka ndodhur pas një konflikti për arsye banale dhe më pas djali ka nisur ta godasë me grushta babain e tij 85-vjeçar e më pas e ka mbytur atë me duar.
Pas ngjarjes ka qenë nipi i viktimës që ka lajmëruar policinë për ngjarjen. Policia ka ndërhyrë menjëherë dhe ka ndaluar autorin e ngjarjes.
Nga informacionet paraprake është mësuar se viktima është rikthyer vetëm para dy muajsh në shtëpi për të jetuar me të atin. Më parë ai ka jetuar jashtë shtetit ku sipas të dhënave ka qenë i dënuar në Itali për 13 vite për veprën penale të prostitucionit.
Gjithashtu është mësuar se në momentin e krimit djali ka qenë në gjendje të dehur.
Nga vendngjarja kanë folur edhe banorët e zonës ku jetonte viktima si edhe nipi i viktimës Dhimitër Stase, ata tregojnë se i njihnin si njerëz të qetë dhe se nuk kanë pasur shqetësime prej tyre më parë.
Gazetari: A kishte probleme djali
Banor: Përderisa është djalë i lirë.
Gazetari: Kanë pasur debate?
Banor: Patjetër që kanë patur debate.
Gazetari: Ju çfarë e kishit?
Banor: Xhaxhain tim.
Gazetari: Jetonin bashkë të dy?
Banor: Bashkë.
Një nga banoret tregon se Dhimitër Stase jetonte me dy djemtë e tij dhe se për viktimën kujdesej nusja e vëllait të tij. Ajo tregon se djemtë nuk kanë qenë të rrezikshëm për banorët por nuk mund të thotë nëse ata merrnin kurim për sëmundje të shëndetit mendor apo jo. Gjithashtu ajo nuk mund të konfirmojë nëse autori ka qenë i dënuar më herët apo jo.
Banore e zonës: S’kam dëgjuar fjalë të keqe për të.
Gazetarja: Ky Miti me kë jetonte?
Banore e zonës: Me Andrean.
Gazetarja: Ka dhe një vëlla tjetër Andrea?
Banore e zonës: Po Petraqi. Është i sëmurë, pati bërë aksident kur ishte i ri. Nëna u ka vdekur shumë shpejtë.
Gazetarja: Trajtohen me ilaçe të shëndetit mendor?
Banore e zonës: Nuk e di.
Gazetarja: Kanë qenë të rrezikshëm për banorët djemtë?
Banore e zonës: Jo.
Gazetarja: Ku punonte?
Banore e zonës: Nuk e di, pyesni njerëzit e familjes.
o.j/dita
