Të punosh si ministër në qeveritë e trazuara të fillimviteve 2000 ishte një sfidë më vete.
Viktor Doda, i cili shërbeu në kabinetet e Fatos Nanos, Pandeli Majkos dhe Ilir Metës, i ftuar në emisionin Dekalog nga Roland Qafoku, ka ndarë kujtime të veçanta nga kjo periudhë, duke u ndalur te stili i secilit kryeministër.
Duke folur për Ilir Metën, nën drejtimin e të cilit ishte ministër i Transporteve në vitin 2001, Doda zbuloi një episod të panjohur që tregonte vendosmërinë e tij.
Sipas Dodës, punimet në autostradën Tiranë-Durrës, të financuara nga bashkëpunimi italian, po zvarriteshin.
Pasi e inspektoi vetë situatën, Meta u skandalizua dhe thirri menjëherë ambasadorin italian, Mario Bova.
“I foli me një gjuhë jashtëzakonisht të ashpër. Unë isha në makinë me të dhe më erdhi keq,” kujton Doda.
Kulmi arriti kur Meta i dha një ultimatum ambasadorit:
“Në qoftë se ti nuk e mbaron këtë deri aty ku kemi rënë dakord, do kesh problem. I përmendi dhe termin ‘non grata’.”
Doda tregon se i kishte thënë Metës se e teproi, por ky i fundit ishte përgjigjur se ambasadori e meritonte.
Efekti ishte i menjëhershëm: “Nuk vonuan as 30 orë dhe ka ardhur vapori me dyfishin e makinerive nga Italia, dhe puna u realizua.”
Duke komentuar situatën aktuale të Metës, Doda shprehu keqardhje.
“Nuk e di ç’e gjeti këtë njeri, por sikur filloi të tjetërsohet. Më erdhi keq për skenën e arrestimit,” tha ai.
j.l./ dita
Pik diplomatie me 1 fjal si Tramp
Hahaha Hahaha
Shume mire ka reaguar Meta.
Kjo eshte genjeshter e pa cipe.
Ke do shpallte non grata ky hajduti kriminel me damke?
Nje ambasador te nje shteti sic eshte Italia? Dhe aq shume qenka frikesuar Italia, sa qe menjehere paska reaguar ne zbatum te urdherit te Metes?!
Al pazar, a?
Perralla me mbret
Cfare senzi ka ky tregim.
Ishin keta ministra qe jemi akoma ne kete gjendje.
Ky eshte ai qe thoshte jam cun i pazarit ri,i bie me te fortit,po kur e nxorren nga makina duke e terhequr si shkerdhat pse nuk i ra.