Shqipëria do të ketë Dhomën Kombëtare të Ekonomisë ku të gjithë bizneset do të jenë të detyruara të regjistrohen. Në mbledhjen e Këshillit Ekonomik Kombëtar që u mbajt mbrëmë u disktua pr/ligji i ri. Kryeministri Rama tregon objektivin për rritjen e investimeve të huaja ndërsa javën e ardhshme do miratohet dhe garancia sovrane për fasonerinë.
TIRANE– Shqipëria do të ketë Dhomën Kombëtare të Ekonomisë ku të gjithë bizneset do të jenë të detyruara të regjistrohen. Në mbledhjen e Këshillit Ekonomik Kombëtar që u mbajt mbrëmë dhe ku ishte i pranishëm Kryeministri Edi Rama u disktua pr/ligji i ri.
“Duam që të bashkojmë forcat dhe të krijojmë një qasje sa më të qartë dhe sa më konkrete për çka duhet të bëjmë. Me rëndëso është diskutimi për p/ligji e ri për Dhomën Ekonomike Kombëtare. Një pr/ligj i vonuar prej shumë vitesh. Duhet të imponojmë detyrimin e regjistrimit në Dhomën Ekonomike Kombëtare siç e kanë të gjitha vendet demokratike. Asgjë më shumë e as më pak. Duam të bashkojmë forcat e krijojmë një qasje sa më të qartë e konkrete për çfarë do të bëjmë “
Kryeministri Edi Rama është shprehur optimist për rritjen e mëtejshme të investimeve të huaja ndërsa tregoi dhe objektivin.
“Synimi ynë është të rritemi në 2.5 – 3 – 4 miliardë euro investimet e huaja. Pa diskutim i kemi mundësitë të kemi një tjetër vlerësim pozitiv nga Standard&Poor’s” tha Rama në mbledhjen e Këshillit Ekonomik Kombëtar.
I pranishëm në mbledhje Ministri i Financave njoftoi se javën tjetër miratohen kushtet e garancisë sovrane për fasonerinë, ku shteti del garant për 70% të vlerës së saj.
Përtej fasonerisë e cila ka pasur shumë humbje për shkak të kursit të këmbimit, ministri sqaroi se një tjetër plan masash do të bëhet publik për të rritur kredinë për gjithë ekonominë.
“Pritet të dalim me një plan të përbashkët për nxitjen e kreditimit me qëllim që qeveria-banka e Shqipërisë-sektori bankar të mund të marrim masa për nxitjen e kreditimit”, tha Mete.
Guvernatori Sejko, teksa tha se kredia e dhënë është rritur me 10%, vuri theksin tek anëtarësimi i vendit në SEPA.
“Për ne si Bankë Qendrore është e rëndësishme të pranohemi në SEPA, pasi kjo do të ndihmonte të gjithë tregun”, tha Guvernatori Gent Sejko.
Ndër të tjera në këtë mbledhje të Këshillit Kombëtar Ekonomik u diskutua edhe për rritjen e pagave në sektorin shtetërore, rishikimin e tatimit mbi rrogat, si dhe fokusi që duhet ti kushtohet kualifikimit të punonjësve.
b.m/dita
Dhoma Ekonomike Kombetare e Tregtise,besoj eshte si ajo parrulla magjike-Hapi Suzam!
Kjo eshte e fundit pas parrulles INVESTITORE STRATEGJIKE,qe u dekonspirua nga poliagjentja Olta Xhacka.
Rama ne vend se te jete lider i ballkanit ai tani ka mbete ne bishtin e tij dhe askush nuk e merre ate seriozishte por gjithe qeshin me te kurse Vuciq,Vuciq tallet me Ramen prapa shpines se tij kur eshte me njerzit e tij ne Beograd..!