“Do të të nxjerr jashtë!”/ Rama acarohet keq me kryebashkiaken: Boll, ç’janë këto muhabete

Kryeministri Edi Rama ka vijuar dhe sot takimin me kryebashkiakët e vendit, ndërsa ka zhvilluar një tryezë diskutimi me ata të veriut.

Megjithatë një episod ka tërhequr vëmendje, teksa Rama ishte duke mbajtur fjalën e tij. Kryeministri duket se është bezdisur nga e folura e njërës prej kryebashkiakeve të pranishme. Teksa po mbante fjalën kryebashkiaku i Lezhës, Pjerin Ndreu, Rama është nervozuar me bisedën me zë të ulët të kryetares së bashkisë së Patosit, Rajmonda Balilaj, me një koleg të saj.

Ndërkohë që Balilaj po fliste me zë të ulët, Rama i ka tërhequr vëmendjen që të ndalojë së bëri muhabet, ndërsa e paralajmëroi se do e nxirrte jashtë.

“Ça janë këto muhabete, pse i flet atij?! Do të nxjerr jashtë. Me ty e kam. Jo me ty jo, me Rajmondën. Po boll tani, boll!”, tha Rama.

a.m/dita